The news is by your side.

Advertisement

مزدور پر تشدد کرنا سعودی شہری کو مہنگا پڑگیا

ریاض : ایک مزدور سے ناروا سلوک اور بد زبانی کرنے پر پولیس نے سعودی شہری کو گرفتار کرلیا، شہری نے یہ وڈیو کلپ خود تیار کرکے سوشل میڈیا پراپ لوڈ کیا تھا۔

تفصیلات کے مطابق سعودی عرب کی حائل پولیس نے ایک مزدور کے ساتھ ناروا سلوک اور بدزبانی کرنے پر ایک سعودی شہری کو گرفتار کیا ہے۔

حائل پولیس کے ترجمان سامی الشمری نے بتایا کہ پولیس نے سوشل میڈیا پر وائرل وڈیو کلپ کا نوٹس لے لیا جس میں ایک شہری اپنے ماتحت مزدور کے ساتھ بدزبانی اور انسانی وقار کے منافی تشدد کررہا ہے، شہری نے یہ وڈیو کلپ خود تیار کرکے سوشل میڈیا پراپ لوڈ کیا تھا۔

پولیس ترجمان نے بتایا کہ سیکیورٹی فورس کے اہلکاروں نے بدزبانی کرنے والے مقامی شہری کی نشاندہی کرکے اسے گرفتار کرلیا، اس کے خلاف ایف آئی آر درج کرکے کیس پبلک پراسیکیوشن کے حوالے کردیا گیا ہے۔

یاد رہے کہ پبلک پراسیکیوشن مملکت کے تمام شہریوں، مقیم غیرملکیوں کو خبردار کیے ہوئے ہے کہ جو شخص بھی سوشل میڈیا پر خلاف قانون سرگرمیوں میں ملوث پایا جائے گا اس کے خلاف کارروائی ہوگی۔

پبلک پراسیکیوشن سوشل میڈیا پر وڈیو کلپس تصاویر اور  مختلف قسم کی غیرقانونی تحریروں پر نظر رکھنے کے لیے اسپیشل ٹیم تشکیل دیے ہوئے ہے۔

Comments

یہ بھی پڑھیں