سعودی معیشت کی تیز ترین ترقی

ریاض: سعودی عرب کی مجموعی ملکی پیداوار (جی ڈی پی) رواں سال کے دوسری سہ ماہی میں 11 سال کی بلند ترین سطح پر پہنچ گئی ہے۔

عرب میڈیا رپورٹس کے مطابق سعودی عرب میں 2022 کی دوسری سہہ ماہی میں جی ڈی پی گروتھ کی شرح 11.8 فیصد کی سطح پر پہنچ گئی ہے، جو گزشتہ سال کی اسی عرصہ سے گیارہ فیصد زیادہ ہے۔

اس سے قبل 2011 میں ملکی ترقی کی شرح 13.6 فیصد ریکارڈ کی گئی تھی۔

سعودی اقتصادی ترقی میں اضافہ تیل کی فروخت بڑھنے کی وجہ سے ہوا، رپورٹ کے مطابق دوسری سہہ ماہی میں تیل کے شعبے میں 23.1 فیصد اور غیر تیل کے شربوں میں 5.4 فیصد اضافہ ہوا ہے۔

خیال رہے کہ بین الاقوامی مالیاتی ادارے (آئی ایم ایف) نے رواں سال سعودی معیشت میں 7.6 فیصد اضافے کا تخمینہ لگایا ہے۔

Comments