انقرہ : ترک وزارت سیاحت نے رپورٹ میں انکشاف کیا ہےکہ 2018 کے پہلے چھ ماہ میں 4 لاکھ 45 ہزار ،رواں سال یہ تعداد 3 لاکھ 70 ہزار 265 ریکارڈ کی گئی۔
تفصیلات کے مطابق ترکی کی وزارت سیاحت نے کہاہے کہ ترکی میں سعودی عرب کے سیاحوں کی تعداد میں غیرمعمولی کمی آئی ہےرواں سال کے پہلے سات ماہ میں ترکی میں سعودی سیاحوں کی تعداد 16 اعشاریہ 96 فی صد ریکارڈ کی گئی جب کہ گذشتہ برس اسی عرصے میں ترکی میں سعودی عرب کے سیاحوں کی تعداد 20 اعشاریہ 11 فی صد ریکارڈ کی گئی تھی۔
ایک رپورٹ میں کہاگیاکہ سال 2018ءکے دوران پہلے چھ ماہ کے وران 4 لاکھ 45 ہزار 875 سعودی شہریوں نے ترکی کے لیے سیاحتی سفر کیا جب کہ رواں سال یہ تعداد 3 لاکھ 70 ہزار 265 ریکارڈ کی گئی۔
سال 2018ءمیں جولائی میں ایک لاکھ 65 ہزار 331 سعودی سیاح سیروتفریح کے لیے ترکی آئے کہ امسال ایک لاکھ 35 ہزار 273 سعودی سیاحوں نے جولائی میں ترکی کی سیر کی۔
سعودی عرب کی سفارت خانے کے مطابق رواں سال ترکی میں سعودی سفارت خانے کی طرف سے 6 بار انتباہی رپورٹس جاری کی گئیں۔
غیر ملکی خبر رساں ادارے کا کہنا تھا کہ گذشتہ ماہ ترکی میں سعودی عرب کے سفارت خانے کی طرف سے جاری کردہ ایک انتباہی بیان سعودی شہریوں کو خبردار کیا گیا تھا کہ وہ ترکی کے تقسیم، ارتکوی اور بشکچاش کے علاقوں میں سفر سے گریز کریں کیونکہ ان علاقوں میں جرائم پیشہ مافیا کی طرف سے سعودی شہریوں پر حملوں کے خطرات ہیں۔
