The news is by your side.

Advertisement

سعودی بینکوں نے ایک سال میں اربوں ریال منافع کما لیا

ریاض: سعودی بینکوں نے سنہ 2019 کے دوران 50 ارب ریال سے زائد منافع کما لیا، سنہ 2018 میں منافع 48.1 ارب ریال ہوا تھا۔

سعودی ویب سائٹ کے مطابق سعودی عریبین مانیٹری اتھارٹی (ساما) کی رپورٹ میں کہا گیا ہے کہ سعودی بینکوں نے سنہ 2019 کے دوران 50 ارب ریال سے زائد منافع کمایا۔

سعودی بینکوں نے دسمبر 2019 کے دوران اعلان کیا تھا کہ انہیں زکوٰۃ اور ٹیکس ادا کرنے سے قبل 4.05 ارب ریال کا منافع ہوا ہے۔ یہ دسمبر 2018 کے مقابلے میں 7 فیصد زیادہ ہے۔

رپورٹ کے مطابق دسمبر 2018 میں بینکوں کو 3.77 ارب ریال کا منافع ہوا تھا۔

سعودی بینکوں کے اعلامیے میں بتایا گیا ہے کہ انہیں 2019 میں 2018 کے مقابلے میں منافع 5 فیصد زیادہ ہوا۔ 2018 میں منافع 48.1 ارب ریال ہوا تھا جبکہ 2019 میں 50.5 ارب ریال کا منافع ہوا ہے۔

خیال رہے کہ گزشتہ برس سعودی عرب میں صارفین نے 334 دنوں کے دوران 934.37 ارب ریال خرچ کیے ہیں۔ ماہانہ اوسط خرچ 77 ارب ریال رہا۔

اس سے گزشتہ برس یعنی 2018 میں مکمل خرچ 980.63 ارب ریال رہا تھا، اسی طرح 2017 میں 928.98 ارب ریال ریکارڈ کیے گئے تھے۔ عالمی بینک کے مطابق سعودی عرب نے اوسط عالمی خرچ کے حوالے سے 9.3 ارب ریال زیادہ خرچ کیے۔

fb-share-icon0
Tweet 20

Comments

comments

یہ بھی پڑھیں