سعودی عرب اور بحرین کو سمندر کے راستے ملانے والے کنگ فہد پل سے وہ سعودی شہری بحرین نہیں جاسکیں گے جو مکمل ویکسین شدہ نہیں ہوں گے۔
کنگ فہد پل انتظامیہ کی جانب سے اس حوالے سے نئے ضوابط جاری کردیے گئے ہیں۔
ان ضوابط کے مطابق کنگ فہد پل سے وہی سعودی شہری بحرین جاسکیں گے جو مکمل ویکسین شدہ ہوں گے۔
فیصلے پر عملدرآمد بدھ 9 فروری 2022 سے شروع ہوگا۔
غیر ملکی اخبار کے مطابق کنگ فہد پل کی انتظامیہ نے اس پل کے راستے بحرین میں داخلے کے نئے ضوابط جاری کردیے ہیں۔
پل انتظامیہ کے بیان کے مطابق ان سعودی شہریوں کو ہی سفر کی اجازت ہوگی جو مکمل ویکسین یافتہ ہوں گے اور ویکسین کی دوسری خوراک کو 3 ماہ گزرنے پر بوسٹر ڈوز بھی لے چکے ہوں گے۔
تاہم اس پابندی سے 16 برس سے کم عمر اور توکلنا ایپ کے استثنیٰ شدہ افراد مستثنیٰ ہوں گے۔
واضح رہے کہ وزارت داخلہ نے اس سے قبل بیان میں کہا تھا کہ سعودی شہریوں کو بیرون ملک کے لیے بوسٹر ڈوز لگوانا ہوگی جب کہ مملکت آنے والے تمام افراد کو بھی سفر سے 48 گھنٹے قبل لیے گئے کورونا ٹیسٹ کی نیگیٹو رپورٹ پیش کرنا ہوگی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں