کراچی : شہر قائد میں واقع سعودی سفارت خانے میں متعین قونصل جنرل عبداللہ عبدالدائم دل کا دورہ پڑنے سے انتقال کرگئے۔
سعودی خبر رساں ایجنسی کے مطابق پاکستان میں تعینات سعودی ایمبیسی کے قونصل جنرل عبداللہ عبدالدئم کو دل کی تکلیف محسوس ہوئی جس کے بعد انہیں فوری طور پر نجی اسپتال لے جایا گیا۔
ڈاکٹرز نے قونصل جنرل کو انتہائی نگہداشت وارڈ میں داخل کیا تاہم وہ جانبر نہ ہوسکے اور دنیائے فانی سے کوچ کرگئے، پوسٹ مارٹم رپورٹ کے مطابق عبداللہ عبدالدئم کو دل کا دروہ پڑا۔
مزید پڑھیں: وزیر اعلیٰ سندھ اور سعودی قونصل جنرل کی ملاقات
واضح رہے کہ انہوں نے گزشتہ روز کراچی میں جاری عمرہ نمائش کی افتتاحی تقریب سے خطاب کرتے ہوئے کہا تھا کہ گزشتہ سال صرف کراچی اور اسلام آباد کے قونصل خانوں نے سولہ لاکھ پاکستانیوں کو عمرہ کے ویزے جاری کئے گئے جبکہ رواں سال بھی روزانہ چھ سے نو ہزار ویزے صرف کراچی سے جاری کئے جا رہے ہیں۔
سعودی حکام نے ویزا اسٹمپنگ اسٹیکر بھیج دیئے، عمرہ زائرین کی مشکلات کم ہونے کا امکان
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔