سعودی ولی عہد کا عمران خان کو فون، پاکستان میں بھاری سرمایہ کاری میں دلچسپی کا اظہار
The news is by your side.

Advertisement

سعودی ولی عہد کا عمران خان کو فون، پاکستان میں بھاری سرمایہ کاری کیلئے دلچسپی کا اظہار

اسلام آباد : سعودی ولی محمد بن سلمان نے عمران‌ خان سے ٹیلیفونک رابطہ کرکے پاکستان میں بھاری سرمایہ کاری کے لئے دلچسپی کا اظہار کیا۔

تفصیلات کے مطابق نامزد وزیراعظم عمران خان سے سعودی عرب کی قیادت کے رابطے جاری ہے، شاہ سلمان کے بعد سعودی عرب کے ولی عہد محمد بن سلمان نے بھی عمران خان کو ٹیلی فون کر کے انتخابات میں کامیابی پر مبارکباد دی۔

بات چیت کے دوران سعودی ولی عہد نے کہا کہ سعودی عرب پاکستان میں بھاری سرمایہ کاری میں دلچسپی رکھتا ہے، پاکستان کے ساتھ کاروباری تعلقات مستحکم کرنا چاہتے ہیں،پاکستان میں معاشی، کاروباری امکانات وسیع اور روشن ہیں۔

یاد رہے دو روز قبل سعودی فرماں روا شاہ سلمان بن عبدالعزیز نے عمران خان کو ٹیلی فون کیا تھا اور سعودی عرب کے دورے کی دعوت دی جسے عمران خان نے قبول کرلی تھی۔


مزید پڑھیں : سعودی فرماں روا کی عمران خان کو سعودی عرب کے دورے کی دعوت


سعودی فرماں روا نے نئی حکومت کے لیے نیک تمناؤں کا اظہار کرتے ہوئے کہا تھا کہ پاکستان سعودی عرب کی نظر میں نہایت اہمیت کا حامل ہے، پاکستان کے عوام نے آپ پر اعتماد کا اظہار کیا ہے، سعودی عرب نئی حکومت کے ساتھ قریبی تعلقات کا خواہاں ہے۔

نامزد وزیر اعظم عمران خان کا سعودی فرماں روا کا شکریہ ادا کرتے ہوئے کہنا تھا کہ سعودی عرب نے ہمیشہ مشکل میں پاکستان کا ساتھ دیا ہے۔

قبل ازیں شاہ سلمان اور ولی عہد محمد بن سلمان نے اپنے پیغام میں عمران خان کے لیے دعا کی اور کہا کہ ہم سعودی عوام اور حکومت کی جانب سے عمران خان کو انتخابات میں کامیابی پر مبارکباد دیتے ہیں۔

Comments

comments

یہ بھی پڑھیں