وزارت خارجہ کے ذرائع نے کہا ہے کہ سعودی ولی عہد محمد بن سلمان رواں سال پاکستان کا دورہ کریں گے، دورے کی تاریخیں طے کی جارہی ہیں۔
ذرائع وزارت خارجہ نے بتایا کہ سعودی ولی عہد محمد بن سلمان 31 دسمبر سے پہلے پاکستان کا دورہ کرینگے، محمد بن سلمان کے دورہ پاکستان کے سلسلے میں تاریخیں طے کی جا رہی ہیں، پاک سعودیہ دفاعی معاہدے کے بعد یہ دورہ کافی اہمیت کا حامل ہوگا۔
وزیراعظم شہبازشریف کے حالیہ دورہ سعودیہ کے دوران پاکستان اور مملکت سعودی عرب کا درمیان بڑا دفاعی معاہدہ طے پایا ہے، دونوں رہنماؤں کے درمیان اسٹریٹیجک باہمی دفاعی معاہدے پر دستخط کیے گئے تھے۔
یہ معاہدہ دونوں ممالک کی سلامتی کو بڑھانے کیلئے مشترکہ عزم کا عکاس کہا جارہا ہے، دفاعی معاہدہ خطے اور دنیا میں سلامتی و امن کے حصول کیلئے مشترکہ عزم کا بھی اعادہ کرتا نظر آتا ہے۔
یہ بھی پڑھیں: ’پاکستان اور سعودی عرب کا دفاعی معاہدہ کسی تیسرے ملک کیخلاف نہیں‘
جاری اعلامیہ میں بتایا گیا تھا کہ معاہدے کا مقصد کسی بھی جارحیت کیخلاف مشترکہ دفاع و تحفظ مضبوط بنانا ہے کسی ملک کیخلاف جارحیت دونوں ممالک کیخلاف جارحیت تصور ہو گی۔
وزیراعظم شہباز شریف اور سعودی ولی عہد محمد بن سلمان کی حالیہ ملاقات کو پوری دنیا نے توجہ کا مرکز بنایا تھا جبکہ اس ملاقات میں فیلڈ مارشل عاصم منیر، نائب وزیراعظم اسحاق ڈار ودیگر وزرا بھی شریک تھے۔
دونوں رہنماؤں میں دوطرفہ تعلقات اور دفاعی تعاون پر گفتگو ہوئی تھی، سعودی ولی عہد محمد بن سلمان نے پاکستان کو بھرپور تعاون کی یقین دہانی کروائی تھی۔
اب اس اہم ترین دفاعی معاہدے کے بعد سعوعی ولی عہد محمد بن سلمان کا اسی سال پاکستان کا دورہ کافی اہمیت کا حامل ہوگا اور اس کے دوررس نتائج مرتب ہونگے۔
وزیر اعظم کی سعودی ولی عہد محمد بن سلمان کے وژن اور قیادت کی تعریف
اے آر وائی نیوز کی ڈیجیٹل ڈیسک کی جانب سے شائع کی گئی خبریں