ریاض : سعودی پولیس نے اسکول کے باہر بیٹی پر تشدد کرنے والے باپ کو گرفتار کرلیا۔
تفصیلات کے مطابق کم عمر بیٹی پر سرعام تشدد کا واقعہ سعودی عرب کے شہر مکۃ المکرمہ میں ایک اسکول کے باہر پیش آیا، جس کی دلخراش ویڈیو سوشل میڈیا پر وائرل ہوگئی۔
سوشل میڈیا پر وائرل ہونے والی ویڈیو میں دیکھا جاسکتا ہے کہ ایک شخص اسکول کے باہر طالبہ کو تشدد کا نشانہ بناکر گاڑی میں بٹھا رہا ہے۔
سوشل میڈیا صارفین نے ویڈیو میں نظر آنے والے شخص کی فوری گرفتاری کا مطالبہ کیا تھا جس کے بعد سعودی پولیس نے فوری کارروائی کرتے ہوئے مذکورہ شخص کو مکہ سے حراست میں لے لیا۔
كسر راسها بنافدة السيارة و سبب لها احراج قدام بنات المدرسة و غير الحالة النفسية اللي بتكون فيها
#نطالب_بمحاسبه_معنف_ابنته pic.twitter.com/EhXg0aneye
— فونتوول (@fontool) November 18, 2019
ذرائع کے مطابق گرفتار شخص متاثرہ طالبہ کا والد ہے جو بیٹی کو اسکول سے گھر لے جانے آیا تھا۔
پولیس نے مقدمہ درج کرکے شہری سے تفتیش شروع کردی ہے جبکہ سعودی عرب کی وزارت سماجی بہبود کو متاثرہ طالبہ کی دیکھ بھال کی ذمہ داری سونپی گئی ہے۔
عرب خبر رساں ادارے کی رپورٹ کے مطابق پولیس نے والد شناخت ظاہر کرنے سے یہ کہتے ہوئے انکار کردیا ہے کہ اہل خانہ کی رضامندی کے بعد مذکورہ شخص کی شناخت ظاہر کی جائے گی اور بیٹی کا بیان قلم بند کرنے کے بعد ہی والد پر مقدمہ چلایا جاسکے گا۔