site
stats
پاکستان

سعودی وزیر دفاع پاکستان کا دورہ کر کےوطن روانہ

اسلام آباد : سعودی وزیر دفاع اور نائب ولی عہد شہزادہ محمد بن سلمان مختصر دورے کے بعد وطن روانہ ہوگئے۔

تفصیلات کے مطابق سعودی وزیر دفاع شہزادہ محمد بن سلمان نے پاکستان کے مختصر دورے میں وزیر اعظم نواز شریف سے ملاقات کی، اس ملاقات میں مسلح افواج کے سربراہ، وفاقی وزرا اور ارکان پارلیمنٹ بھی موجود تھے۔

سعودی وزیر دفاع نے وزیراعظم نواز شریف سے ملاقات میں اس بات پر زور دیا کہ پالیسیوں میں ہم آہنگی اور بین الاقوامی فورم پر ایک دوسرے کے ساتھ تعاون کو مزید جاری رکھا جائے گا جبکہ پاک سعودی عرب تعلقات، مشرق وسطیٰ کی صورتحال اور باہمی دلچسبی کے اموار پر تبادلہ خیال ہوا۔


 مزید پڑھیں :  سعودی وزیردفاع کی پاکستان آمد، وزیراعظم اورآرمی چیف سے ملاقات


وزیراعظم نواز شریف کا کہنا تھا کہ سعودی عرب کی سلامتی کو کوئی خطرہ لاحق ہوا تو پاکستان سعودی عرب کے ساتھ کھڑا ہے، سعودی وزیردفاع شہزادہ محمد بن سلمان نے اپنی قیادت کی جانب سے نیک خواہشات کا پیغام وزیر اعظم نواز شریف تک پہنچایا۔

شہزادہ محمد بن سلمان پاکستان کے بعد ایشیا کے دو اہم ملکوں چین اور جاپان کے دورے پر جائیں گے، چین میں شاہی مہمان گروپ 20 ممالک کے اجلاس میں شرکت کریں گے۔


 مزید پڑھیں : سعودی وزیر دفاع آ ج ایک روزہ دورے پر اسلام آباد پہنچیں گے


واضح رہے کہ گزشتہ سال سعودی عرب نے دہشت گردی کے خلاف 30 سے زائد اسلامی ممالک پر مشتمل ایک فوجی اتحاد بنانے کا اعلان کیا تھا جس میں پاکستان بھی شامل ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top