تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ملازماوٗں سے زیادتی: سعودی عرب نے بھارت سے سفارت کارواپس بلالیا

نئی دہلی: سعودی عرب نے ہندوستان میں تعینات اپنے سفارت کارکو گھرمیں کام کرنے والی دو نیپالی ملازماؤں پر تشدد اور متعدد بار ریپ کے الزامات عائد ہونے پر بھارت سے واپس بلا لیا ہے

برطانوی خبر رساں ادارے کے مطابق ہندوستان نے سعودی سفارت خانے کے فرسٹ سیکریٹری ماجد حسن عاشور کی روانگی سے متعلق ایک غیر معمولی بیان جاری کیا ہے۔

بیان میں کہا گیا کہ ماجد حسین کو سفارتی تعلقات پر ہونے والے ویانا کنونشن کے تحت تحفظ فراہم کیا گیا ہے، جس کی رُو سے کسی بھی سفیرکو کسی بھی ملک میں تعیناتی کے دوران گرفتار، جرمانے اور سول قانونی مقدموں سے استثنیٰ حاصل ہے۔

واضح رہے کہ ہندوستانی وزیراعظم نریندر مودی رواں سال کے آخر میں سعودی عرب کا غیر معمولی دورہ کرنے والے ہیں اور یہ فیصلہ ان کے اس دورے کے لئے چیلنج تصورکیا جارہا ہے۔

یاد رہے کہ گذشتہ ہفتے مذکورہ سعودی سفارت کار کے گھر سے 30 سال اور 50 سال کی عمر کی 2 نیپالی خواتین کو ریسکیو کیا گیا تھا۔

نیپالی خواتین نے پولیس کو بیان دیا ہے کہ سفارت کار نے انہیں گھر میں قید کرکے زیادتی اورتشدد کا نشانہ بنایا اوراس دوران انھیں بھوکا بھی رکھا گیا۔

Comments

- Advertisement -