سعودی عرب : موسلادھار بارشوں سے سیلابی صورتحال پیدا ہوگئی.
سعودی عرب کے دارالحکومت ریاض میں مسلسل دوسرے روز بھی شدید بارش کا سلسلہ جاری رہا، جس کے باعث گلیاں اور سڑکیں تالاب کا منظر پیش کر رہی ہیں اور کئی گاڑیاں بھی پانی میں ڈوب گئیں، ریاض اور نواحی علاقوں میں بارش سے نظام زندگی مفلوج ہوگیا، نشیبی علاقے اور انڈر پاسز زیرِآب آگئے، جس کے بعد انتظامیہ نے دارالحکومت کی کئی سڑکیں بند کردی ہیں.
Unprecedented volume of rain hitting #Saudi capital.. Water is flooding every inch of #Riyadh now.. pic.twitter.com/zQLh4bRwff
— Rami (@RamiAlLolah) November 24, 2015
مکہ مکرمہ میں بھی بارش ہوئی، جو اکیس ملی میٹر ریکارڈ کی گئی ،مدینہ منورہ میں اٹھارہ اور جدہ میں بائیس ملی لیٹر بارش ریکارڈ کی گئی.
سعودی کرائسسز اینڈڈیزاسٹر منیجمنٹ نے مغربی ساحلی شہر کے لوگوں کو گھروں میں رہنے کی اپیل کی ہے.
دوسری جانب قطر کے دارالحکومت دوحہ سمیت کئی علاقوں میں بھی شدید بارشوں نے سیلابی صورت حال پیدا کردی ہے، جس سے اسکولز کو بند کردیا گیا ہے جب کہ امریکی سفارت خانہ نے بھی عارضی طور پر کام روک دیا ہے۔ دوحہ انٹرنیشنل ایئر پورٹ کی عمارت میں پانی کی لیکج کی وجہ سے کام متاثر ہورہا ہے۔
محکمہ موسمیات کے حکام کا کہنا ہے کہ ایئر پورٹ کے ارد گرد اب تک 66 ملی میٹر بارش ریکارڈ کی جاچکی ہے تاہم پروازوں کی آمد و رفت متاثر نہیں ہوئی۔
