ریاض: سعوی عرب کی خواتین سائیکلنگ ٹیم یورپی ملکوں کے دورے پر روانہ ہوگئی، سفر کا آغاز برطانیہ سے کیا گیا۔
تفصیلات کے مطابق سعودی عرب کی خواتین سائیکلنگ ٹیم ان دنوں یورپی ممالک کے دورے پر ہے، سفر کا آغاز برطانیہ سے کیا گیا ہے جس کے بعد ٹیم مختلف یورپی ریاستوں کا دورہ کرے گی۔
غیر ملکی خبر رساں ادارے کے مطابق سیاحتی پروگرام کے تحت سعودی عرب کی خواتین سائیکلنگ ٹیم پہلی بار یورپی ملکوں کے دورے پر ہے، برطانی کے بعد اگلے مراحل میں ٹیم فرانس، بیلجیم اورہالینڈ سے گزر کر جرمنی پہنچے گی۔
عرب حکام کی جانب سعودی عرب کو ایک روشن خیال وژن کے تحت استوار کیا جارہا ہے جس میں خواتین کے لیے واضح اقدامات کیے جارہے ہیں جبکہ ہر شعبوں میں خواتین کے لیے ماضی سے بہتر صورت حال ہے۔
دوران رپورٹنگ عبایا ہٹنے پر سعودی خاتون رپورٹر کے خلاف تحقیقات کا آغاز
میڈیا سے گفتگو کرتے ہوئے خواتین سائیکلنگ ٹیم میں شامل خواتین نے اچھے تاثرات کا اظہار کیا اور دیگر خواتین کی بھی حوصلہ افضائی کی۔
یورپی ممالک کے دورے میں شامل ایک خاتون سائیکلسٹ ’بلوشی‘ کا کہنا تھا کہ یورپی ملکوں کی سائیکل پر سیر کا ان کا پہلا تجربہ ہے مگر اس نے دسیوں سعودی دوشیزاؤں کو متحرک کیا۔
ان کا کہنا مزید تھا کہ خواتین کو چاہیے کہ وہ ہر شعبے میں بڑھ چڑھ کر حصہ لیں، ملکی خواتین میں بھرپور صلاحتیں موجود ہیں، ہمارا مقصد خواتین کو متحرک کرنا ہے۔
علاوہ ازیں ٹیم میں شامل دیگر خواتین سائیکلسٹ نے بھی ملے جلے خیالات کا اظہار کیا۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
