The news is by your side.

Advertisement

اسلاموفوبیا کیخلاف 15 مارچ کوعالمی دن قرار دینا بڑی کامیابی ہے، سعودی وزیر خارجہ

اسلام آباد : سعودی وزیرخارجہ فیصل بن فرحان السعود نے پاکستان کو اوآئی سی وزرائےخارجہ اجلاس کےانعقاد پر مبارکباد پیش کرتے ہوئے کہا اسلاموفوبیا کیخلاف پندرہ مارچ کوعالمی دن قرار دینا بڑی کامیابی ہے۔

تفصیلات کے مطابق سعودی وزیرخارجہ فیصل بن فرحان السعود نے اوآئی سی وزرائے خارجہ کونسل کے 48 ویں اجلاس سے خطاب کرتے ہوئے کہا پاکستان کو او آئی سی وزرائےخارجہ اجلاس کےانعقاد پر مبارکباد پیش کرتے ہیں۔

سعودی وزیر خارجہ کا کہنا تھا کہ اسلاموفوبیا کیخلاف پندرہ مارچ کوعالمی دن قرار دینا بڑی کامیابی ہے، اوآئی سی ممالک یکجہتی اور مشترکہ مفادکے فروغ کیلئے پرعزم ہیں، دسمبر 2021میں افغانستان سےمتعلق اوآئی سی کااجلاس کامیاب رہا۔

افغانستان کے حوالے سے شہزادہ فیصل بن فرحان السعود نے کہا افغانستان میں امن کیلئے اوآئی سی ممالک کاکرداراہم ہے،افغان سرزمین کسی دوسرے ملک کیخلاف استعمال نہیں ہونی چاہیے۔

سعودی وزیر خارجہ نے فلسطین کے عوام کے ساتھ اظہاریکجہتی کرتے ہوئے کہا فلسطین اور اسرائیل کو مذاکرات سےتنازع حل کرناچاہیے، عالمی قراردادوں کے مطابق فلسطین کے معاملے کا حل چاہتے ہیں۔

شہزادہ فیصل بن فرحان السعود نے مقبوضہ کشمیر کے عوام کے ساتھ اظہاریکجہتی کرتے ہوئے روز دیا کہ کشیدگی کم کرنے کیلئے دونوں ممالک مذاکرات کریں۔

ان کا کہنا تھا کہ اوآئی سی دوسری بڑی تنظیم ہےجودنیا کی آدھی آبادی کی نمائندگی کرتی ہے، اوآئی سی وزرائے خارجہ کے اڑتالیس ویں اجلاس کی کامیابی کیلئے پرعزم ہیں۔

Comments

یہ بھی پڑھیں