تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

عالمی برادری شام کا بحران ختم کرنے کے لیے کردار ادا کرے، عادل الجبیر

ریاض: سعودی عرب کے وزیر مملکت برائے خارجہ امور عادل الجبیر نے کہا ہے کہ عالمی برادری شام کا بحران ختم کرنے کے لیے کردار ادا کرے۔

عرب میڈیا کے مطابق سعودی عرب کے وزیر مملکت برائے خارجہ امور عادل الجبیر نے کہا کہ اس بات کی توقع کی جارہی ہے کہ شام کی خود مختاری اور یکجہتی کا تحفظ یقینی بنایا جائے گا اور غیرملکی فورسز کو وہاں سے دور کردیا جائے گا، عالمی برادری بھی شام کا بحران ختم کرنے کے لیے کردار ادا کرے۔

مسئلہ فلسطین کے حوالے سے انہوں نے کہا کہ ہم ایسے حل کا مطالبہ کرتے ہیں جس میں بین الاقوامی قراردادوں اور 1967 کی سرحدوں کے مطابق فلسطینیوں کے حقوق کی ضمانت شامل ہو۔

عادل الجبیر نے کہا کہ یمن میں آئینی حکومت کے شانہ بشانہ سعودی عرب کا موقف بھی واضح ہے، سعودی عرب حوثیوں کی ان خلاف ورزیوں کی مذمت کرتا ہے جو ایران کی سرپرستی میں کی جارہی ہیں۔

مزید پڑھیں: شام میں بارودی سرنگ کا دھماکا، 20 افراد ہلاک

سعودی وزیر خارجہ نے کہا کہ سعودی عرب یمنی عوام کے لیے ہر قسم کی سپورٹ فراہم کررہا ہے تاکہ ان کی مشقت کو دور کیا جاسکے، انسانی حقوق سے متعلق ایرانی خلاف ورزیوں بالخصوص الاہواز کے علاقے میں ان کے ارتکاب کو روکا جائے۔

دوسری جانب یمن میں سعودی عرب کے سفیر محمد الجابر نے کہا کہ یمن میں امن کو یقینی بنانے کے لیے کوشاں ہیں، سعودی عرب یمن کے سیاسی حل اور اقوام متحدہ کے خصوصی ایلچی مارٹن گریفتھس کی تمام تر کوششوں کی حمایت کرتا ہے۔

ان کا کہنا تھا کہ الحدیدہ میں اجلاس کے دوران آئینی حکومت کے وفد نے بین الاقوامی مبصرین کی ٹیم کے سربراہ کو حوثیوں کی جانب سے فائر بندی کے معاہدے کی خلاف ورزیوں کے بارے میں آگاہ کیا۔

Comments

- Advertisement -