The news is by your side.

Advertisement

کورونا وائرس کا خطرہ، سعودی حکومت کا بڑا فیصلہ سامنے آگیا

ریاض : سعودی حکومت نے کورونا وائرس کے پھیلاؤ کی روک تھام کے لئے سیاحتی ویزے پرغیر ملکیوں کی آمد پر پابندی عائد کردی۔

تفصیلات کے مطابق کورونا وائرس کے پھیلاؤ کی روک تھام کےلئے سعودی حکومت کا بڑا فیصلہ کرتے ہوئے سیاحتی ویزے پر غیر ملکیوں کی آمد پر پابندی عائدکر دی۔

سعودی ایوی ایشن گا کانےتمام ایئرلائنز کو ہدایات جاری کردیں اور کہا سیاحتی ویزےکےحامل غیرملکی سعودی عرب نہیں آسکتے۔

یاد رہے گذشتہ ہفتے کورونا وائرس کے پھیلاؤ کی روک تھام کیلئے سعودی ایوی ایشن “گاکا نے نیا سفری ہدایت نامہ جاری کیا تھا ، جس میں سعودی عرب سے بیرون ملک سفر کرنے والے مسافروں کے لیے کورونا ٹیسٹ لازمی قرار دیا گیا۔

گاکا انتظامیہ کا کہنا ہے کہ سعودی وزارت صحت کی ہدایت پر عمل درآمد کیا جارہا ہے۔

جنرل اتھارٹی برائے سول ایوی ایشن کے مطابق صرف سعودی وزارت صحت کی جانب سے نامزد لیبارٹریز کے ٹیسٹ ہی قابل قبول ہوں گے، گاکا نے وزارت صحت کی جانب سے نامزد کردہ لیبارٹریز کی فہرست جاری کردی تھی اور کاگا نے تمام ائرلائنز کو ہدایت نامے پر عملدرآمد یقینی بنانے کی ہدایت سختی سے ہدایت کی۔

خیال رہے 13 نومبر کو سعودی عرب میں سب سے کم 311 کرونا کیسز رپورٹ ہوئے تھے ، جسے مملکت میں خوش آئند قرار دیا گیا تھا۔

رپورٹ کے مطابق گزشتہ 7 ماہ کے بعد پہلی مرتبہ گزشتہ 24 گھنٹوں کے دوران کرونا کے 311 کیسز سامنے آئے، اسی طرح روزانہ کی بنیاد پر رپورٹ ہونے والی اموات میں بھی کمی ریکارڈ کی گئی ہے۔

Comments

یہ بھی پڑھیں