The news is by your side.

Advertisement

سعودی حکومت کا غیر ملکی اساتذہ کے لیے اہم اعلان

ریاض: سعودی حکومت نے سفری پابندیوں کے باعث چھٹیوں کے بعد مملکت واپس نہ آنے والے غیر ملکی اساتذہ کو آن لائن کلاسز لینے کی اجازت دے دی۔

سعودی وزارت تعلیم نے کرونا کی وجہ سے سفری پابندیوں کے باعث چھٹیوں کے بعد مملکت واپس نہ آنے والے غیرملکی اساتذہ کو آن لائن کلاسز لینے کی اجازت دی ہے جس کے بعد غیر ملکی اساتذہ آن لائن کلاسز لینے کے ساتھ اسکول کی سرگرمیوں میں حصہ لینے کے مجاز ہوں گے۔

نائب وزیر تعلیم عبدالرحمنٰ العاصمی نے نجی، انٹرنیشنل اور غیرملکی اسکولوں سے کہا ہے کہ وہ بیرون مملکت موجود اپنے اساتذہ کو آن لائن کلاسز اور تعلیمی سرگرمیوں کے لیے الیکٹرانک پلیٹ فارم استعمال کرنے کے مواقع فراہم کریں۔

عبدالرحمنٰ العاصمی کا کہنا تھا کہ سعودی عرب کے تمام صوبوں اور کمشنریوں میں تعلیمی اداروں کے سربراہ اساتذہ کی کارکردگی کی نگرانی اور نجی تعلیم کے ادارے اساتذہ کی کارکردگی سے متعلق رپورٹ پیش کریں۔

خیال رہے کہ سعودی عریبین ایئر لائنز السعودیہ کی جانب سے جاری بیان میں بھی یہی کہا گیا ہے کہ بیرون ملک پروازیں تا ہدایت ثانی بند رہیں گی۔

Comments

یہ بھی پڑھیں