The news is by your side.

Advertisement

سعودی عرب: طلبا کے لیے بڑا اعلان

ریاض : سعودی وزارت تعلیم نے پرائمری اور نرسری کے طلبہ کیلئے 30 اکتوبر سے اسکول کھولنے کا اعلان کردیا۔

سعودی عرب کی سرکاری خبر رساں ایجنسی کے مطابق وزارت تعلیم کے جاری کردہ بیان میں کہا گیا ہے کہ 12 سال سے کم عمر کے وہ طلبہ جو پرائمری اور نرسری میں زیر تعلیم ہے، انھیں 24 ربیع الاول بمطابق 30 اکتوبر سے اسکولوں میں حاضری کی اجازت ہوگی۔

یاد رہے کہ رواں تعلیمی سال کے آغاز سے اب تک پرائمری اور کے جی کے طلبہ کی آن لائن تدریس جاری تھی ، صرف مڈل اورہائی سکولوں کے ان طلبہ کو حاضری کی اجازت دی گئی تھی۔

وزارت تعلیم کا کہنا تھا کہ مڈل اور ثانوی اسکولوں کے 12 سال اور اس سے زائد عمر کے بچوں کو اسکولوں میں تعلیم حاصل کرنے کی اجازت اس صورت میں ہو گی جبکہ وہ ویکسین کی دونوں خوراکیں لے چکے ہوں۔

خیال رہے وزارت تعلیم نے رواں تعلیمی سال کا جدول جاری کرتے ہوئے واضح کیا تھا کہ 30 اکتوبر تک ویکسین لینے والوں کی شرح 70 فیصد ہونے پر تمام مراحل کے طلبہ کی اسکولوں کو واپسی ہوگی۔

اس سے قبل کورونا سے بچاؤ کے لیے وزارت تعلیم نے مملکت کے اگلے تعلیمی سال کے دوران طلبہ وطالبات کیلئے ہدایات جاری کی تھیں اور کہا تھا کہ اسکولوں میں محفوظ واپسی کے لیے آٹھ امور کی پابندی ناگزیر ہے۔

Comments

یہ بھی پڑھیں