رمضان المبارک کی آمد سے قبل: سعودی حکومت کا پاکستانیوں کے لیے تحفہ Saudi Govt
The news is by your side.

Advertisement

رمضان کی آمد: سعودی حکومت کا پاکستانیوں کے لیے تحفہ

ریاض: سعودی حکومت نے رمضان المبارک کی آمد سے قبل عارضی بے گھر اور غریب پاکستانیوں کے لیے 878 میٹرک ٹن کھجوروں کا تحفہ بھیجا ہے جس سے 58 ہزار خاندان مستفید ہوں گے۔

سعودی سفارت خانے کے ترجمان کے مطابق سعودی حکومت نے پاکستان کے نادار اور عارضی بے گھر افراد کے لیے 878 میٹرک ٹن کھجوروں کا تحفہ بھیجا ہے۔

ترجمان نے کہا کہ یہ تحفہ ورلڈ فوڈ پروگرام کے تحت رمضان المبارک سے قبل تمام اسلامی ممالک میں بھیجا جائے گا، اس تحفے سے ساڑھے تین لاکھ سے زائد خاندا ن مستفید ہوں گے۔

سعودی سفارت خانے کے ترجمان نے کہا کہ پاکستان آنے والی کھجوروں کی تقسیم بالخصوص فاٹا اور بالعموم ملک بھر کے عارضی بے گھر افراد اور نادار ، غریب، ضرورت مندوں میں میں کی جائے گی۔

یاد رہے کہ سعودی حکومت کی جانب سے ہر سال فوڈ پروگرام منعقد کیا جاتا ہے جس کے تحت اسلامی ممالک میں راشن، کپڑوں اور غذائی تقسیم کی جاتی ہے، جنگ زدہ شام سمیت دیگر ممالک سعودی عوام کی جانب سے گزشتہ برس خطیر رقم بھیجی گئی تھی۔

Comments

comments

یہ بھی پڑھیں