ریاض: سعودی فرمانرواہ شاہ سلمان بن عبدالعزیز نے عید الفطر کی تعطیلات 10 شوال تک بڑھانے کی منظوری دے دی۔
غیر ملکی خبر رساں ادارے کے مطابق سعودی فرمانرواہ نے عیدالفطر کی چھٹیاں 10 شوال تک بڑھا دی ہیں، تعطیلات پندرہ جون سے شروع ہوں گی جو 24 جون تک جاری رہیں گی۔
شاہ سلمان بن عبدالعزیز نے سول اور عسکری ملازمین کی سہولت اور آسانی کے لیے عیدالفطر کی تعطیلات بڑھانے کی ہدایت کی، تمام ادارے اتوار 10 شوال بمطابق 24 جون کو کھلیں گے۔
[bs-quote quote=”تمام ادارے اتوار 10 شوال بمطابق 24 جون کو کھلیں گے” style=”style-2″ align=”left” author_name=”شاہ سلمان بن عبدالعزیز”][/bs-quote]
دوسری جانب اومان نے بھی عیدالفطر کی تعطیلات کا اعلان کیا ہے جس کے مطابق 15 جون سے 18 جون تک پبلک سیکٹر کے تمام ملازمین کو چھٹیاں دی گئی ہیں۔
سعودی عرب کے محکمہ موسمیات کے مطابق عیدالفطر 15 جون بروز جمعہ کو ہونے کا امکان ہے، فلکیاتی اعدادوشمار کے مطابق اس سال ماہ رمضان 29 دنوں کا ہوگا۔
انہوں نے مزید کہا کہ اس بات کا انحصار موسم اور مطلع صاف ہونے پر ہے، جمعرات 14 جون کو شوال المکرم کا چاند نظر آنے کا قوی امکان ہے۔