صنعا: سعودی عرب کی سربراہی میں اتحادی فوج کی جانب سے یمن کے مغربی علاقے میں حوثی باغیوں کے ٹھکانے پر متعدد فضائی حملوں کے نتیجے میں 60افراد ہلاک ہوگئے۔
تفصیلات کےمطابق یمنی حکام کے مطابق سعودی عرب کی سربراہی میں اتحادی فوج کی جانب سے یمن میں ایک جیل کمپلیکس پر کیے جانے والے فضائی حملوں میں قیدیوں سمیت 60 افراد ہلاک ہوئے ہیں۔
یمنی حکام کا کہناہے کہ ان فضائی حملوں میں یمن کی مغربی بندرگاہ الحدیدہ کے سکیورٹی ہیڈ کوارٹر میں واقع ایک جیل کے طور پر استعمال ہونے والی عمارت کو تین مرتبہ نشانہ بنایا گیا۔
مزید پڑھیں: یمن میں سعودی اتحاد کے فضائی حملے،کم ازکم 27افرادہلاک
اس حملے میں باغیوں سمیت 60 قیدی ہلاک ہوئے جبکہ درجنوں زخمی ہیں۔ بتایا گیا ہے کہ اس جیل میں 84 قیدی موجود تھے۔
مزید پڑھیں:یمن میں اتحادی افواج کا فضائی حملہ: 140 افراد ہلاک پانچ سو زخمی
خیال رہے کہ یمنی حکومت سعودی عرب کی سربراہی میں اتحادی فوج کے ساتھ مل کرحوثی باغیوں سےاس شہر پردوبارہ کنٹرول حاصل کرنے کے لیے لڑرہی ہے۔
واضح رہے کہ اقوام متحدہ کے مطابق یمن میں عرب اتحاد کی فضائی کارروائی شروع ہونے سے اب تک ساڑھے 6 ہزار سے زائد افراد ہلاک ہوچکے ہیں۔
