site
stats
عالمی خبریں

سعودی شہری نے اپنی نومولود بچی کا نام امریکی صدر کی بیٹی کے نام پر رکھ دیا

ریاض : سعودی شہری نے اپنی نومولود بیٹی کا نام امریکی صدر کی بیٹی کے نام پر رکھ دیا۔

سعودی عرب کے شہر عرعر کے رہائشی سلیم عامر سلیم العاشی العنزی نے امریکی صدر سے متاثر ہو کر پیدا ہونے والی اپنی بیٹی کا ٹرمپ کی بیٹی ایوانکا کے نام ایوانکا رکھا دیا اور  بچی کا برتھ سرٹیفیکیٹ فیس بک پر پوسٹ کر دیا گیا۔ جس کے بعد سوشل میڈیا پر بحت چھڑ گئی۔

سلیم عامر سلیم العاشی العنزی نے کہا ہے کہ بچوں کے نام اپنی مرضی کے رکھنا والدین کا حق ہے مجھے ایوانکا نام پسند ہے، جس کے دو معنی بنتے ہیں جن میں ایک ’انتہائی خوبصورت‘ اور دوسرا  ’اللہ مہربان ہےٴ ہے۔

Baby Ivanka and her birth certificate. PHOTO: ARAB NEWSسعودی شہری کا کہنا ہے کہچند دوستوں کے ساتھ امریکا اور سعودی عرب کے تعلقات پر تبادلہ خیال کر رہے تھے کہ ان میں ٹرمپ کے دور میں مزید بہتری آنے کا امکان ہے، جس کے بعد اپنی بیٹی کا نام امریکی صدر کی بیٹی کے ایوانکا کے نام پر رکھنے کا فیصلہ کیا، میرے دوستوں نے بیٹی کا یہ نام رکھنے سے منع کیا تھا۔

العنزی نے کہا کہ میں ایوانکا ٹرمپ کے والد کی  قیادت سے بہت متاثر ہو، ڈونلڈ ٹرمپ نے شامی حکومت کی طرف سے “معصوم بچوں” کے قتل کا بدلہ لیا تھا اور
ایک مشتبہ کیمیائی حملے کے بعد شامی حکومت کے اہداف پر حملہ کرنے کا حکم دیا۔

انھوں نے مزید کہا کہ میں بہت خوش ہوں کہ امریکی صدر ٹرمپ سعودی عرب کا دورہ کریں گے۔

انہوں نے بتایا کہ انہوں نے بیٹی کے اس نام کے سرٹیفیکیٹ کے لئے درخواست جمع کرا دی ہے کیونکہ وہ سمجھتے ہیں کہ یہ نام رکھنے کے لئے ان پر کوئی سماجی یا مذہبی پابندی نہیں ہے۔


مزید پڑھیں : امریکی صدر ڈونلڈ ٹرمپ کی سعودی نائب ولی عہد سے ملاقات


انہوں نے بتایا کہ جب میں اپنی بیٹی کے لئے ایوانکا نام رجسٹر کرانے گیا تو محکمہ کے انفارمیشن ڈیسک پر موجود اہلکار نے نام پر حیرت کا اظہار کیا اور پھر رجسٹر دیکھ کر بتانے لگا کہ یہ نام رکھنے کی اجازت نہیں ہے۔ میرے استفسار پر اہلکار نے میرا کیس محکمہ کے سربراہ کو ریفر کر دیا جس پر مجھے بتایا گیا کہ مجوزہ نام رکھنے سے متعلق وزارت داخلہ کی رائے معلوم کی جائے گی۔

خیال رہے سعودی عرب کی جنرل ایڈمنسٹریشن آف سول اسٹیٹس نے گستاخی پر مبنی یا وہ نام جو کہ معاشرے کی حدود سےتجاوز کرتے ہیں ان کو رکھنے پر پابندی عائد کی ہوئی ہے۔

واضح رہے کہ امریکی صدر جلد ہی سعودی عرب کے دورے پر روانہ ہوں گے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top