The news is by your side.

Advertisement

پاکستان نے کشیدگی کم کرنے میں آگے بڑھ کر کردار ادا کیا، عادل الجبیر

ریاض: سعودی وزیر خارجہ عادل الجبیر نے کہا ہے کہ پاکستان نے بھارت کے ساتھ کشیدگی ختم کرنے میں آگے بڑھ کر کردار ادا کیا۔

تفصیلات کے مطابق سعودی عرب میں تعینات پاکستانی سفیر راجہ اعجاز کی سعودی وزیر خارجہ عادل الجبیر سے ملاقات ہوئی جس میں دوطرفہ تعلقات پر تبادلہ خیال کیا گیا۔

ریاض میں قائم پاکستانی سفارت خانے میں تعینات ہونے والے راجہ اعجاز نے اپنا منصب سنبھالنے کے بعد امور سرانجام دینا شروع کردیے جس کے تحت انہوں نے اعلیٰ سطح کی ملاقاتیں شروع کردیں۔

مزید پڑھیں: پاکستان اوربھارت کا پرامن طریقےسےساتھ رہناسب کے مفاد میں ہے،چینی وزارت خارجہ

عادل الجبیر نے نے راجہ اعجاز کو عہدہ سنبھالنے پر مبارک باد پیش کی اور اس امید کا اظہار کیا کہ پاکستانی کے نئے سفیر کی آمد سے دونوں ممالک کے تعلقات کو نئی جہت ملے گی۔

راجہ اعجاز نے پاک بھارت کشیدگی کم کرانے پر سعودی عرب کا شکریہ ادا کیا۔ اُن کا کہنا تھا کہ خطے کی کشیدگی کم کرنے میں سعودی عرب کا اہم کردار ہے، پاکستان امن قائم کرنے کے لیے تمام کوششیں بروئے کار لائے گا۔ سعودی وزیر خارجہ عادل الجبیر نے پاکستان کے کردار کی تعریف کرتے ہوئے کہا کہ کشیدگی کم کرنے کے لیے حکومت نے بہت اہم کردار ادا کیا۔

دو روز قبل پاکستانی سفیر کی سعودی فرمانروا سے اہم ملاقات بھی ہوئی تھی جس میں انہوں نے پاکستان کی غیر مشروط حمایت پر شاہ سلمان اور سعودی قیادت کا تہہ دل سے شکریہ بھی ادا کیا تھا۔

Comments

comments

یہ بھی پڑھیں