The news is by your side.

Advertisement

پاکستان سعودی عرب کا سب سے قریبی دوست ہے، کمانڈر سعودی نیول فورس

کراچی : کمانڈر سعودی نیول فورس وائس ایڈمرل فہد بن عبداللہ نے پاسنگ آﺅٹ پریڈ سے خطاب میں کہا پاکستان سعودی عرب کا سب سے قریبی دوست  ہے، سعودی عرب پاکستان کو خطے میں قوت اور استحکام کا ذریعہ سمجھتا ہے، سعودی عرب مشرق وسطیٰ میں تمام معاملات کا پرامن تصفیہ چاہتا ہے۔

تفصیلات کے مطابق پاکستان نیول اکیڈمی منوڑہ میں 111 ویں مڈشپ مین اور20 ویں شارٹ سروس کمیشن کورس کی پاسنگ آﺅٹ پریڈ کا انعقاد کیا گیا ، پریڈ کے مہمان خصوصی سعودی بحریہ کے سربراہ وائس ایڈمرل فہد بن عبداللہ الغوفیلی تھے ، پاکستان نیول اکیڈمی آمد پر چیف آف دی نیول اسٹاف ایڈمرل  ظفر محمود عباسی نے مہمان خصوصی کا استقبال کیا۔

ترجمان پاک بحریہ کے مطابق اس موقع پر 77 مڈشپ مین اور 98 شارٹ سروس کمیشن کیڈٹس بشمول 25 خواتین کیڈٹس پاس آوٹ ہوئے، پاس آﺅٹ ہونے والوں میں بحرین کے 2 ، قطر کے 7 اور سعودی عرب کے 3 مڈ شپ مین بھی شامل ہیں جبکہ مڈ شپ مین طلحہ مسعود نے اعزازی شمشیر حاصل کی۔

مہمان خصوصی کمانڈر سعودی نیول فورس وائس ایڈمرل فہد بن عبداللہ نے پاسنگ آﺅٹ پریڈ سے خطاب کرتے ہوئے کہا پاکستان سعودی عرب کا سب سے  قریبی دوست ہے، مشرق وسطیٰ اس وقت تاریخ کے مشکل دور سے گزر رہا ہے، سعودی عرب مشرق وسطیٰ میں تمام معاملات کا پرامن تصفیہ چاہتا ہے۔

کمانڈر سعودی نیول فورس کا کہنا تھا سعودی عرب پاکستان کو خطے میں قوت اور استحکام کا ذریعہ سمجھتا ہے، پاکستان اور سعودی عرب عالمی استحکام اور علاقائی امن و امان کے لئے کوشاں ہیں ۔

وائس ایڈمرل فہد بن عبداللہ نے کہا پاکستان نے امن کے لئے اندرونی اور بیرونی محاز پر لاتعداد قربانیاں پیش کی ہیں۔

ترجمان پاک بحریہ کا کہنا تھا سربراہ سعودی بحریہ نے بھی اپنی ابتدائی تربیت پاکستان نیول اکیڈمی میں حاصل کی، مہمان خصوصی نے پاس آﺅٹ ہونے والے کیڈٹس کو مبارک باد پیش کی ۔

Comments

comments

یہ بھی پڑھیں