سعودی نوجوان کی پاکستانی نغمے پر شاندار پرفارمنس، ویڈیو دیکھیں -
The news is by your side.

Advertisement

سعودی نوجوان کی پاکستانی نغمے پر شاندار پرفارمنس، ویڈیو دیکھیں

ریاض: سعودی نوجوان احمد سلطان نے قومی نغمے پر پرفارم کر کے ہزاروں پاکستانیوں کے دل جیت لیے۔

تفصیلات کے مطابق  سعودی عرب کے دارالحکومت میں قائم پاکستانی سفارت خانے میں دو روز قبل میوزیکل نائٹ کا اہتمام کیا گیا تھا جس میں بین الاقوامی شہرت یافتہ پاکستانی گلوکار راحت فتح علی خان نے سماں باندھا۔

پاکستانی سفارت خانے کی جانب سے پاک سعودی دوستی کے حوالے سے میوزیکل نائٹ کا اہتمام کیا گیا۔ شاہ فہد کلچر سینٹر کی جانب سے منعقدہ پروگرام میں بین الاقوامی شہرتِ یافتہ پاکستانی گلوکار کو مدعو کیا گیا تھا، راحت فتح علی خان نے تاریخ میں پہلی بار سعودی عرب میں پرفارم کیا۔

سعودی شہری احمد سلطان نے قومی نغمے ’ہے جذبہ جنون تو ہمت نہ ہار‘ پرفارم کر کے وہاں موجود ہزاروں شرکاء کے دل جیت لیے، نوجوان کی اردو بالکل صاف تھی اور کہی ایسا محسوس نہیں ہوا کہ وہ عربی زبان بولتا ہے۔

ویڈیو دیکھیں

کلاسیکل گلوکار نے استاد نصرت فتح علی خان کی قوالیاں اور عارفانہ کلام پیش کیا تھا جس سے حاضرین خوب محظوظ ہوئے اس کے علاوہ راحت فتح علی خان نے اپنے دیگر گانوں پر بھی پرفارم کیا تھا۔

ویڈیو دیکھیں: سعودی عرب میں میوزیکل نائٹ کا انعقاد، راحت فتح علی خان کی پرفارمنس

تقریب میں سعودی عرب میں مقیم پاکستانیوں کی بڑی تعداد نے شرکت کی تھی اس کے علاوہ اسلامی اتحاد کے سربراہ اور سابق آرمی چیف جنرل (ر) راحیل شریف بھی بطور مہمانِ خصوصی شریک ہوئے تھے۔

علاوہ ازیں سعودی حکام اور پاکستانی سفیر سمیت دیگر ممالک کے سفیر بھی موجود تھے۔

اطلاعات کے مطابق پاک فوج کے سابق سپہ سالار کی آمد پر حاضرین نے پاکستان اور پاک فوج کے حق میں خوب نعرے بھی لگائے تھے۔

پاکستانی سفیر ہشام بن صدیق کا کہنا تھا کہ پاکستانی میوزک دنیا بھر میں سنا جاتا ہے اور ہمیں فخر ہے کہ راحت فتح علی خان جیسے گلوکار ہمارے ملک کا ایسا سرمایہ ہیں جو دنیا بھر میں ملک کا نام روشن کر ررہے ہیں۔

Comments

comments

یہ بھی پڑھیں