ریاض: فٹ بال ورلڈکپ میں ارجنٹینا کے خلاف تاریخی میچ کے دوران شدید زخمی ہونے والے سعودی فٹبالر یاسر الشہرانی سے متعلق اہم خبر سامنے آگئی۔
میڈیا رپورٹ کے مطابق دو روز قبل ارجنٹینیا کے خلاف میچ کے دوران یاسر الشہرانی سعودی گول کیپر محمد ال اویس سے ٹکرا گئے تھے۔
جس کے نتیجے میں ان کا جبڑا اور چہرے کی ہڈیاں ٹوٹ گئیں تھیں اور اندورنی خون بہنے لگا تھا، فٹبالر کو طبی امداد کے لئے دوحہ کے حماد میڈیکل سٹی لے جایا گیا جہاں خون روکنے کے لئے ان کا سرجیکل پروسیجر کیا گیا۔تاہم اب سعودی فٹبالر یاسر الشہرانی کو مزید علاج کے لیے ایئرلفٹ کر کے ریاض کے نیشنل گارڈ اسپتال پہنچادیا گیا ہے،جہاں ان کی سرجری کی جائے گی۔
یہ بھی پڑھیں: سعودی عرب کی تاریخی فتح پر ولی عہد کا سجدہ شکر
یاد رہے کہ سعودی عرب نے منگل کو ارجنٹائن کے خلاف 2-1 کی تاریخی فتح حاصل کی تھ،۔ اس میچ نے لوسیل اسٹیڈیم میں ارجنٹینا کے 36 میچوں کے ناقابل شکست ریکارڈ کو ختم کیا تھا۔اس کے علاوہ فٹ بال کی تاریخ میں بھی پہلی بار ہوا تھا کہ ارجنٹینا کی ٹیم کو کسی ایشیائی ٹیم کے ہاتھوں شکست ہوئی تھی۔
دوسری جانب الشہرانی نے ٹوئٹر پر ایک ویڈیو کے ذریعے کہا کہ "میں آپ کو یقین دلانا چاہتا ہوں کہ میں ٹھیک ہوں، میری طبیعت اب بہتر ہے، انہوں نے قوم کو میچ جیتنے پر مبارکباد پیش کی اور اپنے لیے دعاؤں کا شکریہ ادا کیا”۔