ریاض: سعودی عرب میں جرائم میں ملوث ملکی اور غیرملکیوں کے خلاف قانون کا گھیرا مزید تنگ ہونے لگا، پولیس کی اہم کارروائی میں افریقی گروہ فرار ہونے میں کامیاب ہوگیا۔
عرب خبررساں ادارے کی رپورٹ کے مطابق سعودی پولیس کی جانب سے یہ اہم کارروائی سعودی شہر جازان میں کی گئی، ملزمان نے سنگلاخ کے پہاڑی علاقوں میں شراب کا اڈا بنایا ہوا تھا۔
تاہم کارروائی کے نتیجے میں دو افریقی باشندے فرار ہونے میں کامیاب ہوگئے، ابتدائی طور پر کہا جارہا ہے کہ ملزمان پر مشتمل پورا گروہ ہے، جو مملکت کے مختلف شہروں میں شراب سپلائی کرتا ہے۔
سعودی عرب : ریستورانوں کیخلاف بڑی کارروائی، متعدد غیر ملکی گرفتار
پولیس نے شراب کے اڈے سے آدھا ٹن نشہ آور مشروب ضبط کیا جسے بعد ازاں اہلکاروں نے ضبط تحریر میں لانے کے بعد وہیں وادی میں ہی ضائع کر دیا ہے، افریقی گروہ نے پہاڑی علاقے میں ایک پرانے کنویں کے پاس اپنا ٹھکانہ بنایا ہوا تھا۔ قانون نافذ کرنے والے اداروں کا کہنا ہے کہ اس قسم کی مزید کارروائیاں جاری رہیں گی۔
البتہ پولیس نے عزم ظاہر کیا ہے کہ فرار ہونے والے ملزمان کی گرفتاری جلد عمل میں آئے گی۔
