تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی ریلوے ریاض سے الجوف تک نائٹ سروس شروع کررہی ہے

جدہ: سعودی ریلوے کمپنی (سار) نے اعلان کیا ہے کہ وہ ریاض سے الجوف تک کے لیے اپنی پہلی نائٹ ٹرین شروع کررہی ہے۔

تفصیلات کے مطابق سعودی ریلوے کا کہنا ہے کہ الجوف کے ریلوے اسٹیشن پر آپریشن سے متعلق تمام تر انتظامات مکمل کرلیے گئے ہیں اور اسے پسنجر لائن میں نئے اور پانچویں اسٹیشن کے طور پر شامل کیا گیا ہے۔

کمپنی کےمطابق اس نئی نائٹ ٹرین سے بدھ کے روز سے مستفیددہوسکیں گے ، ان میں خصوصی طور پر نائٹ کیبن بھی قائم کیے گئے ہیں اور یہ ریاض سے الجوف تک براستہ ہیل اور القاسم جائے گی۔

سعودی ریلوے کا کہنا ہے کہ ٹرین سروس کی ہر کوچ میں چار مسافروں کی جگہ ہوگی جنہیں دورانِ سفر تکیہ ، کمبل اور وائی فائی فراہم کیا جائے گا۔ مسافروں کو سہولیات کی فراہمی کے لیے پورے سفر میں سرونگ ٹیم بھی موجود رہے گی۔

ریلوے انتظامیہ کا کہنا ہے کہ وہ مسافر جو روزانہ سفر کرتے ہیں یا طویل سفر اختیار کرتے ہیں ، ان کی سہولت کے لیے کمپنی کی ویب سائٹ، موبائل ایپ اور کسٹمر سروس سنٹر ز پر ٹکٹس بک کرانے کی سہولت موجود ہے۔

یاد رہے کہ ولی عہد محمد بن سلمان کا ویژن 2030 سعودی عرب کو ایک ایسی ہائی ٹیک ریاست میں تبدیل کرنے کا عزم ہے جس کے تحت سعودی عرب تیل کی پیدا وار پر انحصار ختم کرتے ہوئے جدید معاشی ذرائع پر انحصار کرے گا۔

محمد بن سلمان کا یہ آئیڈیا انہیں سعودی نوجوانوں میں بے پناہ مقبول کررہا ہے اور جمال خاشقجی اور سعودی شہزادوں کی حراست جیسے واقعات کے باوجود انہیں تاحال اپنے عوام کی حمایت حاصل ہے۔

رواں ہفتے کے آغاز پر انہوں نےجوہری ری ایکٹر کا سنگِ بنیاد رکھا تھا، یہ تقریب عبدالعزیز سٹی برائے سائنس اور ٹیکنالوجی ( کے اے سی ایس ٹی) میں منعقد ہوئی تھی۔

اس موقع پر سعودی ولی عہد نے سات انتہائی اہم منصوبوں کا بھی افتتاح کیا تھا۔ یہ  تمام منصوبے قابلِ تجدید توانائی ، پانی صاف کرنے ، جینیٹک ادویہ اور طیارہ سازی کی صنعت سے متعلق تھے۔

Comments

- Advertisement -