ریاض: سعودی محکمہ پاسپورٹ وامیگریشن(جوازات) نے خبردار کیا ہے کہ کہ کسی بھی قسم کا جرمانہ ادا نہ کیا گیا ہو تو اقامے کی تجدید نہیں ہوگی۔
عرب میڈیا کی رپورٹ کے مطابق جوازات نے ہدایت کی کہ غیرملکی اگر اپنے رہائشی اجازات نامے(اقامہ) تجدید کرانا چاہتے ہیں تو پہلے واجبات ادا کریں بصورت مذکورہ عمل کی تکمیل نہیں ہوگی۔
سعودی محکمہ پاسپورٹ سے ایک تارک وطن نے استفسار کیا تھا کہ ماسک کی خلاف ورزی پرجرمانہ ہوا تھا، معلوم یہ کرنا ہے کہ جرمانہ کی ادائیگی کے بغیر اقامہ تجدید ہوسکتا ہے؟۔
اس سوال پر جوازات نے مذکورہ وضاحت پیش کی اور مزید کہا غیر ملکیوں کے اقامہ کی تجدید کے لیے لازمی ہے کہ سسٹم میں کسی قسم کا جرمانہ باقی نہ ہو۔
واضح رہے کہ غیر ملکی تارکین وطن کے اقامے کا نمبر جوازات ہی نہیں بلکہ ٹریفک پولیس اور دیگر تمام اداروں میں یکساں ہوتا ہے، واجبات کی ادائیگی نہ ہونے کی صورت خروج وعودہ و نہائی بھی نہیں لگ سکتا۔