تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

سعودی سنگ تراش کا سنگ مرمر پر مکمل قرآن پاک تراشنے کا حیران کن کارنامہ

تبوک: ایک سعودی شہری نے سنگ مرمر پر پورا قرآن پاک تحریر کر دیا ہے۔

تفصیلات کے مطابق ایک سعودی مجسمہ ساز حسبان بن احمد العنیزی نے 8 سال لگا کر قرآن مجید کے الفاظ سنگ مرمر کی 30 سلوں پر تراش دیے، ان کو امید ہے کہ ان کا یہ کارنامہ گنیز ورلڈ ریکارڈز میں درج کر دیا جائے گا۔

تبوک کے رہائشی حسبان بن احمد العنیزی نے قرآن کریم سے اپنی عقیدت کا اظہار ایک سنگ تراش کی حیثیت سے مختلف انداز سے کیا، انھوں نے سنگ مرمر کی تیس سلوں پر قرآن پاک کے 30 پارے عثمانی رسم الخط میں تراشے، ان کا یہ کام 8 برس میں مکمل ہوا۔

حسبان العنیزی کا کہنا ہے کہ وہ اپنا یہ کام سعودی عرب کے نام سے گنیز بک آف ورلڈ ریکارڈ میں درج کرانے کے لیے کوشاں ہیں، انھوں نے بارہا گرینائٹ پتھروں اور تبوک کے سخت ٹیڑھے میڑھے پتھروں پر اپنے فن کا مظاہرہ کیا، وہ سعودی عرب میں بہت سارے میلوں، قومی تقریبات اور پروگرامز میں سنگ تراشی کے اپنے فن پاروں کی نمائش کر چکے ہیں۔

سعودی سنگ تراش کا کہنا ہے کہ سعودی عرب میں سنگ تراشی کا ہنر بڑا پرانا ہے، مملکت نے اس کے احیا کے لیے قدیم ورثے کا محافظ ادارہ قائم کیا ہے، جس نے سنگ تراشی کے ہنر کو سعودی عرب کے ناقابل فراموش آرٹ کے طور پر تسلیم کیا ہے۔

حسبان العنیزی نے بتایا کہ 20 برس قبل عربی رسم الخط میں انھیں سنگ تراشی کا شوق پیدا ہوا تھا، اور ان کی کوشش ہوتی ہے کہ سنگ تراشی کے خوب صورت ترین فن پارے دنیا کے سامنے لائیں۔ العنیزی نے مختلف ادوار میں معروف عربی رسم الخط میں پتھر تراش کر ’بسم اللہ‘ تحریر کیا ہے۔

خیال رہے کہ مجسمہ سازی بنی نوع انسان کی بالکل ابتدائی زندگی کے تخلیقی پیشوں میں سے ایک پیشہ ہے۔

Comments

- Advertisement -