سعودی نوجوان کی نئی ویڈیو، گرفتاری سے بچنے کا بھی انتظام کرلیا
The news is by your side.

Advertisement

سعودی نوجوان کی نئی ویڈیو، گرفتاری سے بچنے کا بھی انتظام کرلیا

ریاض: سوشل میڈیا سے مشہور ہونے والے سعودی شہری ابوسین جنہیں گزشتہ سال غیر اخلاقی ویڈیو چیٹ کے باعث گرفتار کیا گیا تھا، اُن کی نئی ویڈیو سامنے آئی ہے جس میں وہ اُسی امریکی خاتون کرسٹینا سے ویڈیو چیٹ کررہے ہیں۔

ابوسین کی نئی ویڈیو سماجی رابطے کی ویب سائٹ یوٹیوب پر 28 دسمبر کو اپ لوڈ کی گئی جسے اب تک لاکھوں لوگ دیکھ چکے ہیں، اس ویڈیو میں ابوسین ایک بار پھر اُسی امریکی خاتون کے ساتھ چیٹ کرتے نظر آرہے ہیں جس کے چکر میں وہ حوالات کا مزہ چک چکے ہیں۔

اس ویڈیو میں ابوسین نے اپنی گرفتاری کی وجوہات بتائیں اور امریکی خاتون کرسٹینا کو مشورہ دیا کہ وہ چیٹ کے وقت سر پر دوپٹہ اڑ لے تاکہ اُسے کوئی گرفتار نہ کرسکے، سعودی نوجوان نے کہا کہ ’’آپ سر پر حجاب لے لیں گی تو مجھے کوئی گرفتار نہیں کرے گا اور نہ ہی یہ غیر اخلاقی چیٹ ہوگی‘‘۔

ویڈیو دیکھنے کےلیے اسکرول نیچے کریں

یاد رہے ابوسین کو سعودی حکام نے شہریوں کی جانب سے شکایات موصول ہونے کے بعد گرفتار کرتے ہوئے مؤقف اختیار کیا تھا کہ ’’اس قسم کی غیر اخلاقی ویڈیوز قوانین کی خلاف ورزی ہے اور اس پر سزا بھی ہوسکتی ہے‘‘۔


پڑھیں: ’’ غیر اخلاقی ویڈیو چیٹ پر سعودی نوجوان گرفتار ‘‘


بعد ازاں سعودی حکام نے ابوسین کو رہا کیا تاہم اس دوران امریکی خاتون نے ابوسین کی کسی بھی قسم کی مدد کرنے سے صاف انکار کرتے ہوئے مؤقف اختیار کیا تھا کہ  وہ ویڈیو چیٹ کرتی ہیں اور ابوسین کی گرفتاری پر وہ کوئی مدد یا تعاون نہیں کرسکتیں۔

Comments

comments

یہ بھی پڑھیں