ریاض: مشہور پستہ قد سعودی یوٹیوبر عزیز الاحمد جمعرات کو 27 سال کی عمر میں انتقال کر گئے۔
گلف نیوز کے مطابق پیدائش سے جینیاتی بیماری میں مبتلا سعودی شہری عزیز الاحمد 19 جنوری کو اسپتال میں دوران علاج انتقال کر گئے۔
عزیز الاحمد 1995 میں ریاض میں پیدا ہوئے تھے، اور معروف یوٹیوبر تھے، وہ عربی میں القضم یعنی ’بونا‘ کی عرفیت سے مشہور تھے، ان کی موت پر مداح نے قلبی دکھ کا اظہار کیا ہے۔
عزیز الاحمد کو پیدائشی طور پر جینیاتی بیماری اور ہارمونز کی خرابی کا مسئلہ درپیش تھا، جس کی وجہ سے ان کی نشونما متاثر ہوئی تھی۔
گزشتہ دنوں اسپتال سے ان کی ایک ویڈیو وائرل ہوئی تھی جس میں وہ بستر پر لیٹے ہوئے تھے، ایک خاتون ان سے پوچھ رہی تھیں کہ آپ اپنے فینز سے کیا کہنا چاہتے ہیں، عزیز نے جواب دیا ’میں ان سے کہنا چاہتا ہوں کہ میں ان سے بہت محبت کرتا ہوں۔‘
كان يودع طفله كانه حاسس انه راح يموت #عزيز_الاحمد_في_ذمة_الله pic.twitter.com/PVLos9R5ZL
— بلال (@mmdlly87430828) January 20, 2023
عزیز سے جب پوچھا گیا کہ اب آپ کیسا محسوس کر رہے ہیں تو انھوں نے کہا کہ میں بہتر محسوس کر رہا ہوں، تاہم وہ جاں بر نہ ہو سکے اور اپنے لاکھوں مداحوں کو سوگوار چھوڑ کر چلے گئے، عزیز شادی شدہ تھے اور ان کا ایک بیٹا بھی ہے۔
#عزيز_في_ذمه_لله
انالله وانا اليه راجعون بنفقد الابتسامه وخفه الظل
رحمك الله #عزيزالاحمد💔 pic.twitter.com/5Gcms9bcRu— Majed (@maged89098) January 20, 2023
عزیز یوٹیوب پر مزاحیہ ویڈیوز اپ لوڈ کرتے تھے اور ان کے فالوورز کی تعداد لاکھوں میں تھی، ٹک ٹاک پر ان کے فالوورز کی تعداد 94 لاکھ جب کہ یوٹیوب پر 8 لاکھ 87 ہزار سبسکرائبرز تھے۔
عزيز الاحمد مع يحي الزعبي عاشو لحظات حلو كتير #عزيز_في_ذمه_لله #عزيز_الأحمد pic.twitter.com/WCpVqDVKZ4
— بلال (@mmdlly87430828) January 20, 2023
مرحوم اسنیپ چیٹ پر بھی بہت مقبول تھے جہاں ان کے پیج کے 2.7 ملین سے زیادہ سبسکرائبرز ہو چکے ہیں۔