The news is by your side.

Advertisement

کروناوائرس: سعودی ولی عہد محمد بن سلمان کا اہم اقدام

ریاض: کروناوائرس کے پیش نظر سعودی ولی عہد محمد بن سلمان نے اہم اقدام اٹھاتے ہوئے برطانوی وزیراعظم بورس جونسن سے ٹیلی فونک رابطہ کیا اور مہلک وائرس سے لڑنے کے لیے مشترکہ کاوشوں پر زور دیا۔

عرب میڈیا کی رپورٹ کے مطابق محمد بن سلمان اور بورس جونسن کے درمیان ہونے والی ٹیلی فونک گفتگو میں کروناوائرس کے خلاف مل کر جنگ کرنے پر زور دیا گیا۔ دریں اثنا دیگر امور بھی زیرغور آئے۔

گفتگو کے دوران سعودی ولی عہد کا کہنا تھا کہ عالمی وبا کی روک تھام کے لیے عالمی برادری کی مشترکہ کوششوں کے علاوہ جی 20 ممالک کے باہم افہام وتفہیم اور تعاون ضروری ہے۔

انہوں نے کہا کہ سعودی عرب جی 20 ممالک کے ساتھ مل کر ہر ممکن کوششیں جاری رکھا ہوا ہے۔

کورونا وائرس : سعودی وزیر صحت نے پیغام جاری کردیا

دریں اثنا برطانوی وزیراعظم نے بھی سعودی عرب کی کوششوں کو سراہا۔ دونوں رہنماؤں نے دوطرفہ تعلقات سمیت دیگر اہم امور پر بھی تبادلہ خیال کیا۔

خیال رہے کہ جان لیوا وائرس نے سعودی عرب سمیت برطانیہ میں بھی شہریوں کی زندگی اجیرن کردی ہے۔

دوسری جانب سعودی وزیر صحت نے مقامی شہریوں اور غیر ملکیوں سے اپیل کی ہے کہ کورونا وائرس سے بچنے کیلئے چار باتیں اختیار کریں، اس سے بچاؤ کیلیے سب کا تعاون ضروری ہے۔

fb-share-icon0
Tweet 20

Comments

comments

یہ بھی پڑھیں