The news is by your side.

اونٹ پر طویل سفر، سعودی خاتون رشا القرشی نے حیران کر دیا

جدہ: اونٹ پر طویل سفر کا آغاز کرنے والی سعودی خاتون رشا القرشی نے لوگوں کو حیران کر دیا۔

تفصیلات کے مطابق سعودی خاتون رشا القرشی نے کنگ عبدالعزیز اونٹ فیسٹیول میں جیت حاصل نہ کرنے کے بعد اپنے وعدے کے مطابق بعد بدھ کے روز مملکت کے دارالحکومت ریاض سے حجاز کا سفر شروع کر دیا۔

عرب میڈیا کے مطابق اونٹ پالنے کی شوقین سعودی خاتون رشا القرشی نے 6 ماہ قبل شاہ عبدالعزیز اونٹ ریس میں شرکت کی تھی، انھوں نے عہد کیا تھا کہ ریس میں ناکام رہی تو نجد سے حجاز تک اونٹ پر سفر کریں گی۔

رشا القرشی نے متعلقہ اداروں سے اجازت حاصل کر کے ریاض سے سفر کا آغاز کیا، وہ 2 دن کا سفر کرنے کے بعد جمعہ کو ریاض سے الحفنہ پہنچیں۔

سعودی خاتون آج قصیم کے لیے روانہ ہوں گی، جدہ تک سفر میں 14 پڑاؤ ہوں گے، رشا القرشی سعودی قومی دن پر جدہ پہنچنے کی توقع رکھتی ہیں جس میں 20 دن لگ سکتے ہیں۔

واضح رہے کہ سعودی عرب سے تعلق رکھنے والی خاتون رشا القرشی کو اونٹوں کی محبت اپنے گھرانے سے ورثے میں ملی، وہ بچپن سے ہی اونٹوں کی جگہوں کے نزدیک بیٹھ کر اس جانور کی انسیت حاصل کرتی تھیں۔

مملکت میں اونٹوں کے میلوں میں خواتین کی شرکت کی اجازت کے ساتھ ہی رشا نے اپنی محبوب اونٹنی کو چُن لیا جس کو وہ ’’الرشا‘‘ کے نام سے پکارتی ہیں۔

رشا نے اس اونٹنی کے ساتھ چھٹے کنگ عبدالعزیز کیمل فیسٹول میں حصہ لیا تھا۔

Comments

یہ بھی پڑھیں