ریاض : سعودی عرب میں چمچماتی گاڑیوں کا میلہ سج گیا، گاڑیوں کے شوقین مرد حضرات کے ساتھ خواتین نے بھی خوب دلچسپی دکھائی۔
تفصیلات کے مطابق سعودیہ عرب میں ڈرائیونگ کی اجازت ملنے کے بعد خواتین کی گاڑیا ں خریدنے میں دلچسپی بڑھ گئی، ریاض میں چمچماتی گاڑیوں کا میلہ سجا، جس میں مردحضرات کے ساتھ خواتین کی بڑی تعداد نے بھی شرکت کی ۔
خواتین کا کہنا ہے کہ ڈرائیونگ کی اجاز ت ملنے پر بے حد خو ش ہیں۔
آٹو شومیں معروف برانڈزکی جدیدگاڑیاں سب کی توجہ کامرکزبنی رہیں اور سعودی خواتین اپنی پسند کار کی تلاش میں رہی۔
مزید پڑھیں: سعودی عرب میں خواتین کو گاڑی ڈرائیو کرنے کی اجازت مل گئی
خیال رہے کہ گذشتہ ماہ کے آخر میں شاہ سلمان بن عبد العزیز نے خواتین کو گاڑی ڈرائیو کرنے کی اجازت دی تھی ، جس کے بعد خواتین پر سے گاڑی چلانے کی پابندی مکمل طور پر ختم ہوگئی۔
ویڈیو دیکھیں:
سعودی حکومت کی جانب سے خواتین کو ڈرائیونگ کی اجازت کے فیصلے کو بہت سراہا گیا۔
واضح رہے کہ سعودی عرب میں انیس سو نوےسےخواتین کی ڈرائیونگ پر پابندی عائد تھی۔
