The news is by your side.

Advertisement

سعودی عرب میں خواتین نے آخر کار ڈرائیونگ سیٹ سنبھال لی

ریاض: سعودی عرب میں خواتین نے آخر کار ڈرائیونگ سیٹ سنبھال لی، ڈرائیونگ کی تربیت کے لیے ٹریننگ سینٹرز پر خواتین کا رش لگ گیا۔

تفصیلات کے مطابق سعودی حکومت کی طرف سے خواتین کو ڈرائیونگ کی اجازت ملنے کے بعد خواتین نے گاڑی چلانے کی تربیت حاصل کرنا شروع کردی، تربیت کے لیے قائم ٹریننگ سینٹر پر خواتین کی بڑی تعداد میں آمد کا سلسلہ جاری ہے۔

 تربیت حاصل کرنے والی خاتون فاطمہ سلیم نے کہا کہ ’مجھے چھوٹے پارکنگ ایریا میں گاڑی کو گھمانے میں مشکل پیش آرہی ہے، میں تھوڑی گھبرا رہی ہوں تاہم امید ہے کہ ڈرائیونگ سیکھ لوں گی‘۔

ایک اور خاتون طالبہ کا کہنا تھا کہ ’مجھے ڈرائیونگ سیکھنے کے حوالے سے والد کی مکمل سپورٹ حاصل ہے، میرا 16 سالہ بھائی بھی ڈرائیونگ جانتا ہے اور امید ہے کہ جلد میں بھی گاڑی چلانا سیکھ جاؤں گی‘۔

ٹریننگ سینٹر میں تربیت دینے والی اٹالین ٹرینر کا کہنا ہے کہ خواتین کی بڑی تعداد تربیت حاصل کرنے کے لیے آرہی ہیں اور گھبرائی ہوئی ہیں مگر امید ہے کہ جلد وہ ڈرائیونگ کی تربیت حاصل کرلیں گی۔

واضح رہے کہ گزشتہ برس شاہ سلمان بن عبدالعزیز نے ایک خصوصی فرمان کے تحت خواتین کی ڈرائیونگ پر عائد پابندی اٹھانے کا اعلان کیا تو اس کا ملکی اور عالمی سطح پر خیر مقدم کیا گیا تھا۔

سعودی فرماں رواں نے حکام کو پابند کیا کہ وہ خواتین کو ڈرائیونگ لائسنس کا اجرا شروع کردیں اور اس ضمن میں انتظامات بھی مکمل کرلیں تاکہ کسی قسم کی پریشانی سے بچا جاسکے۔

یاد رہے کہ امریکی صدرڈونلڈ ٹرمپ کی صاحبزادی نے بھی سعودی خواتین کو ڈرائیونگ کی اجازت ملنے کے فیصلے پر مبارک باد پیش کرتے ہوئے کہا تھا کہ سعودی خواتین کے لیے تاریخی دن ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں