ریاض: سعودی عرب کی وزارت حج و عمرہ اور زیارت نے عمرہ ادائیگی اور مسجد الحرام میں نماز ادا کرنے کا اجازت نامہ حاصل کرنے کے لیے موبائل ایپ متعارف کرادی۔
عرب میڈیا رپورٹ کے مطابق سعودی عرب میں مقیم ملکی و غیرملکی تارکین ’اعتمرنا‘ نامی ایپ کو موبائل میں ڈاؤن لوڈ کر کے اپنی رجسٹریشن کرواسکتے ہیں اور پھر عمرہ ادائیگی یا مسجد الحرام میں نماز ادا کرنے کا اجازت نامہ حاصل کرسکتے ہیں۔
وزارتِ حج و عمرہ نے ایپ گزشتہ شب متعارف کرائی جس کے بعد اب تک 72 ہزار سے زائد افراد نے عمرہ ادائیگی کے لیے درخواست جمع کراوئی۔
اعتمرنا ایپ فی الوقت آئی فون استعمال کرنے والے صارفین کے لیے متعارف کرائی گئی ہے جبکہ اگلے مرحلے میں یہ اینڈرائیڈ کے پلے اسٹور پر بھی متعارف کرادی جائےگی۔
وزارت حج و عمرہ کی جانب سے جاری ہونے والے اعلامیے میں کہا گیا ہے کہ ’اعتمرنا ایپ کے ذریعہ عمرہ، زیارت اور مسجد الحرام میں نماز کی ادائیگی کے لیے اجازت ناموں کے اجرا کے علاوہ صرف طواف کا اجازت نامہ، مسجد قبا، مسجد شہدائے احد اور جبل نور کی زیارت کے لیے بھی اجازت نامہ حاصل کیا جاسکتا ہے‘۔
مزید پڑھیں: سعودی وزارت حج والعمرہ نے زائرین کیلئے عمرہ ایس او پیز جاری کر دیئے
یاد رہے کہ چند روز قبل سعودی حکومت نے چار اکتوبر سے عمرہ اور زیارت کو مرحلہ وار کھولنے کا اعلان کیا۔
Later today | Umrah application "اعتمرنا” will be released on IOS and Andriod which will enable locals to book their Umrah slot starting from October 4th
— Haramain Sharifain (@hsharifain) September 26, 2020
سعودی حکومت کے اعلان کے تحت پہلے مرحلے میں 6 ہزار افراد کو عمرہ ادائیگی کی اجازت ہوگی جبکہ اگلے مرحلے میں تعداد کو بڑھا دیا جائے گا جو 18 اکتوبر تک 15 ہزار کردی جائے گی۔
وزارتِ حج و عمرہ نے تمام زائرین کو موقع فراہم کرنے کے لیے یومیہ بنیادوں پر 6 گروپ تشکیل دیے جن میں سے ہر ایک میں 1 ہزار متعمرین کو موقع فراہم کیا جائے گا۔
NEWS | 72,000 locals booked Umrah slots in first 5 hours of app launch
— Haramain Sharifain (@hsharifain) September 27, 2020
آئی فون صارفین ایپ ڈاؤن لوڈ کرنے کے لیے یہاں کلک کریں
