امریکی ٹیم کے بھارتی نژاد فاسٹ بولر سوربھ نیتراولکر نے ویرات کوہلی کو آؤٹ کرکے ریکارڈ بنا دیا۔
نیویارک کے ناساؤ کاؤنڈی کرکٹ اسٹیڈیم میں امریکی فاسٹ بولر سوربھ نیتراولکر نے بھارتی کرکٹر ویرات کوہلی کو گولڈن ڈک پر آؤٹ کرکے نیا ریکارڈ بنا دیا۔
نیتراوالکر وہ واحد فاسٹ بولر ہیں جنہوں نے ویرات کوہلی کو گولڈن ڈک پر آؤٹ کیا ہے۔
کوہلی نے ٹی 20 انٹرنیشنل میچز کی 28 اننگز میں 1146 رنز بنارکھے ہیں، ایسا پہلی بار ہوا ہے کہ ویرات کوہلی 4 اننگز میں سنگل ڈیجٹ اسکور پر آؤٹ ہوئے ہیں۔
View this post on Instagram
رواں سال کے آغاز میں ویرات کوہلی افغانستان کے خلاف تین اننگز میں 4، 1 اور صفر پر آؤٹ ہوئے تھے۔
واضح رہے کہ امریکا نے مقررہ اوورز میں 8 وکٹوں کے نقصان پر 110 رنز بنائے اور بھارت کو جیت کے لیے 111رنز کا ہدف دیا ہے۔
نتیش کمار 27 رنز کے ساتھ نمایاں رہے، اسٹیون ٹیلر نے 24 رنز بنائے، کورے اینڈرسن 15 رنز بنا کر پویلین لوٹ گئے۔
بھارت کی جانب سے ارشدیپ سنگھ نے کیریئر بیسٹ بولنگ کرتے ہوئے چار وکٹیں حاصل کیں، پانڈیا نے دو کھلاڑیوں کو آؤٹ کیا۔
