The news is by your side.

Advertisement

سوات میں پولیس موبائل کے قریب دھماکہ،4پولیس اہلکار زخمی

سوات : خیبر پختونخواہ کے ضلع سوات میں پولیس موبائل کے قریب دھماکہ ہو گیا جس کے نتیجے میں چار پولیس اہلکار زخمی ہو گئے۔

تفصیلات کےمطابق سوات کے علاقے کڑاکڑ میں پولیس موبائل معمول کے گشت پر تھی،اسی دوران دہشت گردوں نے پولیس موبائل کے قریب ریمورٹ کنٹرول بم سے حملہ کیا جس کے نتیجے میں چار اہلکار زخمی ہو گئے۔

امدادی ٹیموں نے موقع پر پہنچ کرزخمی اہلکاروں کو اسپتال منتقل کردیا جہاں ان کو طبی امداد دی جا رہی ہے۔

ادھر پولیس نے جائے وقوعہ کو گھیرے میں لے کر تحقیقات شروع کردی ہیں جبکہ قریبی علاقوں میں سرچ آپریشن بھی کیا جارہا ہے۔

مزید پڑھیں: خیبر پختونخواہ اور فاٹامیں دہشت گردی کے واقعات،3اہلکار جاں بحق

واضح رہے کہ گزشتہ ہفتے خیبرپختونخوا کے دارالحکومت پشاور اور قبائلی علاقےفاٹا کی مہمند ایجنسی میں دہشت گردی کے واقعات میں 3 سیکیورٹی اہلکار جاں بحق ہوگئے تھے۔

Print Friendly, PDF & Email

Comments

comments

یہ بھی پڑھیں