The news is by your side.

Advertisement

سوات کے پہاڑوں پر آتشزدگی جاری : قیمتی درخت جل کر خاکستر

سوات : سوات کے پہاڑی علاقوں میں پانچ مختلف مقامات پر جنگلات اور جھاڑیوں میں نامعلوم وجوہات کی بناء پر آگ بھڑک اٹھی، جس نے دیکھتے ہی دیکھتے خوفناک صورت اختیار کرلی۔

اچانک ہونے والی آتشزدگی سے متعدد قیمتی درخت جل کر راکھ کا ڈھیر بن گئے، اطلاع ملتے ہی علاقہ مکین اور امدادی ٹیمیں جائے وقوعہ پر پہنچ گئیں۔

سوات کے 3مقامات پر پہاڑوں پر لگی آگ بجھانے کی کوششیں جاری رکھیں، جنگل میں 24گھنٹے سے لگی آگ پر گزشتہ روز تک قابو نہ پایا جاسکا تھا تاہم بعد ازاں چھ مقامات میں سے چار مقامات پر لگی آگ پر فائر فائٹرز نے قابو پا لیا۔

خیبر پختونخوا کے جنگلات میں 6 مقامات پر آگ بھڑک اٹھی، 4 افراد جاں بحق

تازہ ترین اطلاعات کے مطابق سوات کے علاقوں کبل، چارباغ، بریکوٹ اور سرسینی کے پہاڑوں پر آگ مزید پھیل رہی ہے، ریسکیوعملہ، فاریسٹ اہلکاروں سمیت 60اہلکارآگ بجھانے میں مصروف عمل ہے۔

علاوہ ازیں سوات کے پہاڑی مقامات پر آگ لگنے کے واقعات پر متعلقہ ڈپٹی کمشنر نے انکوائری کمیٹی قائم کر دی ہے۔ کمیٹی آتشزدگی کے واقعات کا جائزہ لے گی۔

انکوائری کمیٹی میں اسپیشل برانچ، آئی ایس آئی، ایم آئی اور آئی بی کے نمائندے شامل ہوں گے۔ انکوائری کمیٹی آگ لگنے کی وجوہات اور ملوث افراد کی نشاندہی کے بعد کارروائی کرنے کی سفارشات ارسال کرے گی۔

Comments

یہ بھی پڑھیں