بچی زیادتی کیس: 7ملزمان کے خون کے نمونے لیبارٹری ارسال - ARYNews.tv
The news is by your side.

Advertisement

بچی زیادتی کیس: 7ملزمان کے خون کے نمونے لیبارٹری ارسال

کراچی: بچی زیادتی کیس میں پولیس کی تحقیقات جاری ہیں، زیر حراست 7 مشکوک ملزمان کے خون کے نمونے ڈی این اے ٹیسٹ کے لیے آج متعلقہ لیبارٹری ارسال کیے جائیں گے۔

کراچی کے علاقے کورنگی کراسنگ سے زخمی حالت میں ملنے والی بچی سویرا کے کیس میں اہم پیش رفت سامنے آگئی، پولیس نے زیر حراست 7 مشکوک ملزمان کے خون کے نمونے لے کر تفتیشی افسر کے حوالے کردیے۔

تفتیشی حکام کے مطابق آئندہ سات سے دس دنوں میں ڈی این اے ٹیسٹ کی رپورٹ موصول ہونے کا امکان ہے۔

زیر حراست افراد میں حمزہ، ابراہیم، صدیق، سجاد اور دیگر شامل ہیں،پولیس کے مطابق ملزمان میں سب سے زیادہ مشکوک صدیق نامی شخص ہے جو خود کو متاثرہ بچی کا کبھی ماموں اور کبھی چچا ظاہر کررہا تھا جب پولیس کو پتا چلا کہ صدیق کا بچی سے کوئی رشتہ نہیں اس وقت تک صدیق غائب ہوچکا تھا۔


Police collect DNA samples of suspects in minor… by arynews

Comments

comments

یہ بھی پڑھیں