نئی دہلی : بھارتی دراندازی کے خلاف پاک فضائیہ کی کامیاب کارروائی کے بعد ’ جنگ نہیں چاہیے‘ کے نام سے ہیش ٹیگ بھارت کا ٹاپ ٹرینڈ بن گیا۔
تفصیلات کے مطابق آج صبح پاکستان ایئرفورس نے پاکستانی فضائی حدود کی خلاف ورزی کرنے والے بھارتی فضائیہ کے لڑاکا طیاروں کو مار گرایا تھا جس کے بعد بھارتی فضائیہ کے پائلٹ ابھی نندن کمار کی دوران حراست تصویر سوشل میڈیا پر وائرل ہورہی ہے۔
بھارتی سوشل میڈیا صارفین کے زبان پر پاکستانی افواج کے خوب چرچے ہورہے ہیں اور ٹوئٹر صارفین ابھی نندن کمار کے ساتھ ساتھ دیگر تصاویر ’#Saynotowar‘ کے نام سے ہیش ٹیگ بھارت بھر میں ٹاپ ٹرینڈ بن رہا ہے۔
بھارتی عوام کا کہنا ہے کہ نریندر مودی نے انتخابات کےلیے پہور خطے کو خطرے میں ڈال دیا ہے، مودی کے جنگی جنون سے بھارت میں انتہا پسندی بڑھ گئی ہے۔
اومکار یادیو نامی ٹوئٹر صارف نے دو الگ الگ تصویر شیئر کرتے ہوئے لکھا کہ ’اگر ہم جنگ ختم نہیں کرپائے تو جنگ ہمیں ختم کردے گی‘۔
If we don’t end war..War will end us.💔 Therefore#SayNotoWar pic.twitter.com/msXQ6gjrTX
— 🇮🇳OMKAR YADAV🐦 (@omkar_yadav11) February 27, 2019
ایک اور ٹوئٹر صارف نے کہا کہ ’بھارت اور پاکستان کو غربت، ناخواندگی اور شدت پسندی کے خلاف جنگ لڑنی چاہیے‘۔
The only war India and Pakisthan should fight is illiteracy,Poverty and violence #SayNotoWar
— Rukshmani kumari (@KumariRukshmani) February 27, 2019
ابن آدم نامی بھارتی شہری نے ٹوئٹر پر ’#SayNoToWar‘ اور ابھی نندن کمار کی تصویر شیئر کرتے ہوئے لکھا کہ ’ہمارے ونگ کمانڈر ابھی نندن کمار کو کسی طرح واپس لائیں، آپ نے بغیر کچھ سوچے سمجھے جنگ شروع کردی‘۔
Bring back our Wing Commander Abhinandan at any cost. As u started the war without knowing cost #SayNoToWar https://t.co/H2hwHsF759
— ابن ادم (@theibnadam) February 27, 2019
خیال رہے کہ سوشل میڈیا پر #PakistanArmyZindabad, #PakistanAirForceOurPride اور #PakistanStrikesBack دنیا کا ٹاپ ٹرینڈ بن گیا ہے جس میں اب تک ہزاروں لوگ اپنا حصّہ شامل کرچکے ہیں۔
یاد رہے کہ کچھ دیر قبل پاک فضائیہ نے سرحدی حدود کی خلاف ورزی کرنے والے 2 بھارتی طیارے مار گرائے ہیں۔
پاک فوج کے شعبہ تعلقات عامہ آئی ایس پی آر کے سربراہ میر جنرل آصف غفور کے مطابق بھارت کے 2 طیارے لائن آف کنٹرول کے اطراف میں گر کر تباہ ہوئے ہیں۔ ایک طیارہ بھارتی مقبوضہ کشمیر کے علاقے بڈگام میں گرا، جبکہ دوسرا طیارہ پاکستان کی جانب گرا ہے۔
ڈی جی آئی ایس پی آر کے مطابق بھارتی علاقے میں گرنے والے طیارے کے دونوں پائلٹ موقع پر ہی جاں بحق ہوگئے ہیں جبکہ پاکستانی علاقے میں گرنے والے جہاز کے ایک پائلٹ کو حراست میں لے لیا گیا ہے۔
