تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

بھارتی وزیر نے سیاحوں کومکمل لباس پہننے کی ہدایت کردی

نئی دہلی : انڈیا کے مرکزی وزیر ثقافت اورسیاحت کا کہنا ہے کہ بیرونی ممالک سے آنے والی خواتین سیاحوں کو اپنے تحفظ کے لیے چھوٹے کپڑے اور اسکرٹ پہننے سے گریز کرنا چاہئیے۔

مرکزی وزیر ثقافت اور سیاحت مہیش شرما کا کہنا ہے کہ خواتین کو رات کے وقت تنہا باہر نہیں نکلنا چاہیے۔
انہوں نے کہا کہ جب بھی بیرونی ممالک کے سیاح انڈیا پہنچتے ہیں تو انہیں اس بارے میں بعض خصوصی مشورے بھی دیئے جاتے ہیں۔

برطانوی نشریاتی ادارے بی بی سی کے مطابق مہیش شرما نے کہا کہ ’جب سیاح ایئر پورٹ پر پہنچتے ہیں تو انہیں کیا کریں اور کیا نہ کریں اس کے لیے ایک پمفلٹ دیا جاتا ہے، اس پر اس طرح کی ہدایات درج ہوتی ہیں کہ اگر آپ کسی چھوٹے شہر میں ہوں تو تنہا نہ پھریں اور اسکرٹ نہ پہنیں۔ جس ٹیکسی میں سفر کریں اس کی تصویر لے کر اپنے دوستوں کو بھیج دیں۔‘

انہوں نے کہا کہ انڈیا ایک ثقافتی ملک ہے اور ’مندروں میں جانے کے لیے ہمارا ایک مختلف ڈریس کوڈ ہوتا ہے۔ تو برائے مہربانی لباس زیب تن کرتے وقت اس کا خیال رکھیں۔

وزیر ثقافت نے یہ باتیں آگرہ شہر میں خواتین اور سیاحوں کے تحفظ سے متعلق ایک سوال کا جواب دیتے ہوئے کہیں۔
آگرہ شہر تاج محل اور فتح پور سیکری میں مغلیہ دور کی تعمیرات دیکھنے کے لیے آنے والے سیاحوں کا جمگھٹا رہتا ہے جہاں بیرونی ممالک کے بھی سیاح بڑی تعداد میں آتے ہیں۔

ایک سوال کے جواب میں مہیش شرما نے کہا کہ وہ سیاحوں سے یہ نہیں کہہ رہے ہیں کہ وہ کیا پہنیں اور کیا نہیں لیکن اپنے تحفظ کے مقصد سے انھیں احتیاط برتنی چاہیے۔

بھارتی میڈیا میں مرکزی وزیر کے اس بیان کے کافی تذکرے ہیں اور مختلف ویب سائٹوں پر اس پر نکتہ چینی سے پر خبریں بھی شائع ہو رہی ہیں۔

 

Comments

- Advertisement -