The news is by your side.

Advertisement

کراچی کے ڈپارٹمنٹل اسٹور میں خوفناک آتشزدگی، سندھ بلڈنگ کنٹرول اتھارٹی نے بڑا فیصلہ کرلیا

کراچی : جیل چورنگی پر سپر اسٹور میں خوفناک آتشزدگی کے بعد سندھ بلڈنگ کنٹرول اتھارٹی نے شہر بھر میں قائم تمام ڈپارٹمنٹل اسٹورز کے سروے کا فیصلہ کرلیا۔

تفصیلات کے مطابق سندھ بلڈنگ کنٹرول اتھارٹی (ایس بی سی اے) نے شہر بھر میں قائم تمام ڈپارٹمنٹل اسٹورز کے سروے کا فیصلہ کرلیا۔

اس حوالے سے ڈی جی ایس بی سی اے نے تمام ڈائریکٹرز اور ریجنل ڈائریکٹرز کو احکامات جاری کردیئے۔

جس میں کہا گیا ہے کہ جہاں پارکنگ کو گودام یا دیگر مقاصد کے لیے استعمال کیا جارہا ہے، ایسی تمام بلڈنگز کا سروے کریں اور پارکنگ کا غلط استعمال کرنے والوں کے خلاف کارروائی کی جائے۔

ڈی جی ایس بی سی اے کا کہنا ہے کہ بلڈنگ قوانین کی خلاف ورزی پر کارروائیاں عمل میں لائی جائیں اور بغیر حفاظتی اقدامات کے چلنے والے اسٹورز کو فوری سیل کیا جائے۔

حکمنامے میں کہا گیا کہ تین روز میں ایسے تمام اسٹورز اور گودام کو سیل کرکے رپورٹ جمع کرائی جائے اور غیر قانونی سپر اسٹورز کے خلاف کارروائیوں کی میڈیا پر تشہیر کی جائے۔

ڈی جی ایس بی سی اے نے حکم دیا کہ سپر اسٹورز کے خلاف کارروائی میں کوتاہی برتنے والے افسران کے خلاف بھی کارروائی کی جائے۔

Comments

یہ بھی پڑھیں