The news is by your side.

Advertisement

رواں مالی سال کی پہلی مانیٹری پالیسی کا اعلان کل ہوگا

کراچی : اسٹیٹ بینک رواں مالی سال کی پہلی مانیٹری پالیسی کا اعلان کل کرے گا، ماہرین کے مطابق شرح سودمیں ایک بار پھر اضافے کے امکان ہے، اس وقت شرح سود بارہ اعشاریہ دو پانچ فیصد ہے۔

تفصیلات کے مطابق مانیٹری پالیسی کمیٹی کا اجلاس کل کراچی ہیڈ آفس میں ہوگا، جس کے بعد مانیٹری پالیسی کااعلان گورنر اسٹیٹ بینک ڈاکٹررضا باقر پریس کانفرنس میں کریں گے۔

ماہرین کا کہنا ہے مرکزی بینک کی جانب سے شرح سود میں مزید اضافےکاامکان ہے، افراط زر کی شرح میں اضافہ،روپےکی قدر میں کمی اور دیگر مالیاتی مسائل کے باعث شرح سود میں ایک فیصدتک کا اضافہ متوقع ہے، اس وقت شرح سود بارہ اعشاریہ دوپانچ فیصدہے۔

دوسری جانب اسٹیٹ بینک کا کہناہےکہ شرح سود میں اضافہ مہنگائی میں کمی کاباعث بنے گا۔

مزید پڑھیں : اسٹیٹ بینک کا 2 ماہ کے لیے شرح سود میں اضافے کا فیصلہ

یاد رہے مئی میں اسٹیٹ بینک نے مانیٹری پالیسی کا اعلان کرتے ہوئے اگلے دو ماہ کے لیے شرح سود میں 150 بیسس پوائنٹس کا اضافہ کیا تھا ، جس کے بعد بنیادی شرح سود 12.25 فی صد ہو گئی تھی۔

اسٹیٹ بینک کا کہنا تھا کہ گزشتہ مانیٹری پالیسی کے بعد 3 نمایاں تبدیلیاں ہوئی ہیں، حکومت نے آئی ایم ایف سے 6 ارب ڈالر فنڈ سہولت پر اتفاق کیا، اس پروگرام کا مقصد معاشی استحکام بحال کرنا ہے۔

Comments

comments

یہ بھی پڑھیں