The news is by your side.

Advertisement

رمضان المبارک میں بینکوں کے اوقات کار کیا ہوں گے؟

کراچی: اسٹیٹ بینک نے رمضان المبارک کے لیے دفتری اور کاروباری اوقات کا اعلان کر دیا، تمام بینک پیر تا جمعرات صبح 10 سے دوپہر ڈیڑھ  بجے تک کھلیں گے۔

تفصیلات کے مطابق اسٹیٹ بینک نے رمضان المبارک کیلئے دفتری اوقات کا اعلان کر دیا ، جس کے تحت اسٹیٹ بینک پیرتاجمعرات صبح10 سے4بجےسہ پہر تک کھلے گا تاہم جمعہ کو دفتر کے اوقات صبح 10سےدوپہر ایک بجے تک ہوں گے۔

اسٹیٹ بینک کا کہنا ہے کہ تمام بینک پیر تا جمعرات صبح10 سےدوپہرڈیڑھ  بجے تک کھلیں گے جبکہ جمعہ کے روز صبح 10 سے دوپہر ایک بجے تک کھلے رہیں گے۔

خیال رہے رمضان کے مقدس مہینے میں ملازمین کو سہولت فراہم کرنے کے لیے اداروں میں روزانہ اوقات کار میں دو گھنٹے کمی کردی جاتی ہے۔

واضح رہے محکمہ موسمیات نے پاکستان میں رمضان المبارک کا چاند کل نظر آنے کے امکانات ظاہر کئے ہیں، کل چاند نظر آنے کی صورت میں پہلا روزہ اتوار 3 اپریل کو ہوگا۔

Comments

یہ بھی پڑھیں