The news is by your side.

Advertisement

میاں منشاکے بینک پر ایک کروڑ 29 لاکھ روپے کا جرمانہ عائد

کراچی : میاں منشا کے بینک کو ریگولیٹری قواعد ضوابط پورے نہ کرنے پر جرمانہ عائد کر دیا گیا، ایم سی بی اسلامک بینک پر اسٹیٹ بینک آف پاکستان نے جرمانہ عائد کیا۔

تفصیلات کے مطابق اسٹیٹ بینک آف پاکستان نےمیاں منشا کے بینک ایم سی بی اسلامک بینک پر ایک کروڑانتیس لاکھ روپےکاجرمانہ عائد کردیا ، یہ جرمانہ نان کمپلائینس اور ریگولیٹری ضروریات پوری نہ کرنے پر عائد کیا گیا۔

اسٹیٹ بینک نے مجموعی طور پر تین بینکوں پر تیرہ کروڑ تیس لاکھ روپے کا جرمانہ کیا ہے جبکہ میاں منشا کے بینک پر رواں مالی سال میں دوسری بار جرمانہ عائد ہوا ہے۔

اس سے پہلے جولائی میں بھی اینٹی منی لانڈرنگ، صارفین کی معلومات اور فارن ایکسچینج کےقانون پرعمل درآمد نہ کرنے پر جرمانے کئے گئے تھے، ایم سی بی بینک پرپندرہ کروڑروپےسےزائد کاجرمانہ کیا گیا تھا۔

یاد رہے اسٹیٹ بینک نے رواں سال اب تک مختلف بینکوں پر 21 لاکھ ڈالر سے زائد جرمانے عائد کئے، ان میں دس کمرشل اور مائیکرو فنانس بینک شامل ہیں۔

مزید پڑھیں : اسٹیٹ بینک کا مختلف بینکوں پر 21لاکھ ڈالر سے زائد کا جرمانہ

ذرائع نے بتایا تھا کہ ان بینکوں پر شیڈول فور میں شامل زیر نگرانی افراد اور ان سے منسلک لوگوں کے کھاتے کھولنے پر جرمانے لگائے گئے، ان بینکوں پر یہ الزام بھی تھا کہ انہوں نے مشکوک افراد کے پہلے سے موجود اکاﺅنٹس بھی منجمد نہیں کئے۔

گزشتہ سال 8 بینکوں پر 34لاکھ ڈالر کے جرمانے عائد کئے گئے تھے۔

خیال رہے ذرائع کے مطابق ملک میں دہشت گرد عناصر کی مالی معاونت روکنے کے لئے اقدامات جاری ہیں، حکومت دہشت گردوں کی مالی معاونت کا راستہ روکنے کے لئے سرگرم عمل ہے۔مرکزی بینک کیطرف سے مشکوک افراد کی مالی سرگرمیوں پر کڑی نظر رکھی جارہی ہے۔

Comments

comments

یہ بھی پڑھیں