کراچی : اسٹیٹ بینک نے غیرقانونی کرنسی ٹریڈ میں ملوث میں 5 بی کیٹیگری ایکس چینج کمپنیوں کے لائسنس معطل کر دیئے۔
تفصیلات کے مطابق اسٹیٹ بینک نے غیرقانونی سرگرمیوں میں ملوث کرنسی ڈیلرز کیخلاف گھیرا تنگ کردیا۔
اسٹیٹ بینک نے 5 بی کیٹیگری ایکس چینج کمپنیوں کے لائسنس معطل کر دیئے گئےہیں، تمام ایکس چینج کمپنیاں غیرقانونی کرنسی ٹریڈ میں ملوث ہیں۔
بی کیٹیگری انٹرنیشنل ایکس چینج،ورلڈوائڈایکس چینج کمپنی کالائسنس معطل کردیا جبکہ ورلڈایکس چینج ،یونیورسل ایکس چینج اوریونائیٹڈایکس چینج کمپنیوں کے لائسنس بھی معطل کئے گئے۔
مرکزی بینک کا کہنا ہے کہ تمام کمپنیز ملک میں کسی بھی قسم کا کرنسی کےکاروبار نہیں کر سکیں گی۔
