The news is by your side.

Advertisement

اسٹیٹ بینک کی جانب سے مانیٹری پالیسی کا اعلان آج کیا جائےگا

کراچی : اسٹیٹ بینک کی جانب سے مانیٹری پالیسی کا اعلان آج کیاجائےگا، بنیادی شرح سود میں 75بیسس پوائنٹس تک اضافہ متوقع ہیں ، اس وقت شرح سود 10اعشاریہ25 فیصد پر ہے۔

تفصیلات کے مطابق شرح سود میں درو بدل کے تعین کیلئے اسٹیٹ بینک آج آئندہ 2 ماہ کے لئے مانیٹری پالیسی کااعلان کرے گا، پالیسی کا اعلان پریس ریلیز کے زریعے کیا جائے گا۔

معاشی ماہرین کا کہنا ہے بنیادی شرح سودمیں 75 بیسس پوائنٹس تک اضافہ متوقع ہے۔

خیال رہے گزشتہ سال جنوری سےاب تک شرح سودمیں ساڑھے4فیصداضافہ کیاگیا ہیں اور اس وقت شرح سود 10اعشاریہ25فیصد پر ہے۔

مزید پڑھیں : اسٹیٹ بینک نے نئی مانیٹری پالیسی میں شرح سود 10.25 فیصد مقرر کردی

یاد رہے جنوری 2019 میں اسٹیٹ بینک کی جانب سے شرح سود میں 25 بیسز پوائنٹ کا اضافہ کرکے شرح سود 10.25 فیصد مقرر کردی گئی تھی، گورنر اسٹیٹ بینک طارق باجوہ کا کہنا تھا کرنٹ اکاؤنٹ کا خسارہ اب بھی بلند ہیں لیکن پچھلے 12 ماہ میں اس خسارے میں کمی ہورہی ہے۔

ان کا کہنا تھا امید ہے ملکی برآمدات میں اضافہ ہوگا، معیشت کو چیلنجز درپیش ہیں، ہمیں مالیاتی خسارہ اور کرنٹ اکاؤنٹ خسارہ دونوں کم کرنے کی ضرورت ہے۔

واضح رہے یکم دسمبر کو اسٹیٹ بینک نے شرح سودمیں ڈیڑھ فیصدکا اضافہ کیا تھا، جس کے بعد شرح سود پانچ سال کی بلند ترین سطح پرپہنچ گئی تھی۔

Comments

comments

یہ بھی پڑھیں