The news is by your side.

Advertisement

کرونا کے خلاف جنگ میں اسٹیٹ بینک کا بڑا اقدام

کراچی: اسٹیٹ بینک کرونا کے خلاف جنگ میں صحت کے شعبے کے لیے اہم اقدامات جاری رکھے ہوئے ہے۔

تفصیلات کے مطابق اسٹیٹ بینک نے اسپتال اور میڈیکل سینٹرز کی فنانسنگ حد کو 500 ملین تک بڑھا دیا، اس اقدام کے ذریعے وبائی مرض پر قابو پانے میں معاونت ملے گی۔

اسٹیٹ بینک کا کہنا ہے کہ یہ اقدام شعبہ صحت کو مزیدمضبوط اور کرونا وائرس سے نمٹنے کے لیے کیا گیا، مذکورہ اقدام آر ایف سی سی اسپتالوں اور میڈیکل سینٹرز کیلئے ہنگامی سہولت ہے۔

’11اسپتالوں اور میڈیکل سینٹرز کو 2.2ارب روپے فنانسنگ کی منظوری مل چکی ہے، بینک 23اسپتالوں اور میڈیکل سینٹرز کی درخواستوں کو پروسیس کررہے ہیں‘۔

اسٹیٹ بینک کا کاروباری طبقے کے لیے مراعات کا اعلان

اسٹیٹ بینک کے مطابق فنانسنگ سے کرونا کے علاج کیلئے طبی سہولتوں کے مراکز کا قیام عمل میں آئے گا۔

خیال رہے کہ گزشتہ دنوں سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا تھا کہ کاروباری طبقے کے لیے اسٹیٹ بینک نے مراعات کا اعلان کیا ہے۔

وزیراعظم کا کہنا تھا کہ اسٹیٹ بینک کی جانب سے اعلان کا مقصدٹارگٹڈ لاک ڈاؤن کے دوران عوام کا تحفظ کرنا ہے، احساس ایمرجنسی کیش پروگرام جاری ہے، کاروباری طبقے کو بھی مراعات دے رہے ہیں۔

Comments

یہ بھی پڑھیں